Dinamalar

வெங்கட் பிரபுவுக்கு அதிர்ச்சி அளித்த சிவகார்த்திகேயன்

தமிழ் சினிமாவில் முன்னணி இயக்குனர்களில் ஒருவர் வெங்கட் பிரபு. அவர் இயக்கிய படங்களில் 'சென்னை 28, மங்காத்தா, மாநாடு' பெரிய வெற்றி பெற்ற படங்கள். தற்போது தெலுங்கு, தமிழில் நாக சைதன்யா கதாநாயகனாக நடிக்கும் படத்தை இயக்கி வருகிறார்.

இந்தப் படத்திற்குப் பிறகு சிவகார்த்திகேயன் கதாநாயகனாக நடிக்க உள்ள படத்தை வெங்கட் பிரபு இயக்கப் போகிறார். ஏஜிஎஸ் என்டர்டெயின்மென்ட் இப்படத்தைத் தயாரிக்க உள்ளது. சிவகார்த்திகேயன் நடித்துள்ள பிரின்ஸ்' படம் நாளை(அக்.,21) தமிழ், தெலுங்கில் வெளியாக உள்ளது. அதற்காக நேற்று டுவிட்டரில் ரசிகர்களின் கேள்விகளுக்கு வீடியோ மூலம் உடனுக்குடன் பதிலளித்தார் சிவகார்த்திகேயன்.

அப்போது இயக்குனர் வெங்கட்பிரபு, சிவகார்த்திகேயனிடம், “புரோ, நாம எப்போ ஷுட்டிங் போலாம், அப்புறம் நம்ம அனுதீப் உங்களை ஏதாவது டார்ச்சர் பண்ணாரா,” எனக் கேள்வி கேட்டிருந்தார். அதற்கு சிவகார்த்திகேயன், “ஷுட்டிங் எப்ப வேணாலும் போலாம் சார். அந்த கதை எப்ப சார் கேக்கலாம்…அதே மாதிரி இன்னொரு கேள்வி எனக்கு இருக்கு சார். நான் உங்ககிட்ட கேக்கறேன். அந்தப் படத்துல பிரேம்ஜி பிரதரோட நான் என்ன ரோல்ல சார் நடிக்கிறேன், அதைத் தெரிஞ்சிக்க ஆவலா இருக்கேன் சார்,” என பதிலளித்தார்.

சிவகார்த்திகேயனின் கேள்விக்கு, ''கதையா” என்று ஒரு வார்த்தையில் மட்டும் பதிலளித்து வடிவேலுவின் குட்டி வீடியோ ஒன்றைப் பதிவிட்டுள்ளார். வெங்கட் பிரபு இதுவரையிலும் தன்னுடைய படங்களில் கதை என்பது இருந்ததே இல்லை என்று எப்போதுமே ஜாலியாகப் பேசுவார். ஆனால், 'மாநாடு' கதைக்கும், திரைக்கதைக்கும் அவருக்குப் பலரும் பாராட்டுக்களைத் தெரிவித்தது குறிப்பிடத்தக்கது.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  300 மில்லியன் பார்வைகளைக் கடந்த 'வாயாடி பெத்த புள்ள'
• 
  யு டியூப் தளத்தில் 'டாப் வியூஸ்' பெற்ற தமிழ் பாடல்கள் : ஒரு ரீவைண்ட்…!
• 
  23 நாளில் படப்பிடிப்பு... ரூ.25 லட்சத்தில் படம் : வியக்க வைக்கும் ...
• 
  ராஜா சாப் படத்தில் விக் வைத்து நடிக்கிறாரா பிரபாஸ்? : ரசிகர்களுக்கு ...
• 
  ராமாயணா முதல் பாகத்தில் யஷ் வருவது வெறும் 15 நிமிடங்கள் தான்