Dinamalar

சிரஞ்சீவி பிறந்தநாள் ஸ்பெஷல் : 'காட் பாதர்' டீசர்

மலையாளத்தில் நடிகர் பிருத்விராஜ் இயக்கத்தில், மோகன்லால், மஞ்சு வாரியர் மற்றும் பலர் நடித்து 2019ம் ஆண்டு வெளிவந்து 100 கோடிக்கும் மேல் வசூலித்து பெரிய வெற்றி பெற்ற படம் 'லூசிபர்'. இப்படத்தை தெலுங்கில் சிரஞ்சீவி, நயன்தாரா நடிக்க மோகன் ராஜா இயக்கத்தில் 'காட் பாதர்' என்ற பெயரில் ரீமேக் செய்து வந்தார்கள்.

இன்று(ஆக., 22) சிரஞ்சீவியின் பிறந்தநாளை முன்னிட்டு நேற்று இரவு இப்படத்தின் டீசரை யு டியுபில் வெளியிட்டார்கள். டீசர் முழுவதும் ஒரு ஆக்ஷன் படமாக, சிரஞ்சீவியின் படமாக இருக்கும் என உணர்த்துகிறது. மலையாளத்தில் சிறப்புத் தோற்றத்தில் பிருத்விராஜ் நடித்த கதாபாத்திரம் சஸ்பென்சாக இருந்து கிளைமாக்சுக்கு முன்பாகத்தான் வரும். அக்கதாபாத்திரத்தில் தெலுங்கில் சல்மான் கான் நடித்துள்ளார். அந்த சஸ்பென்சை நேற்று வெளியான டீசரிலேயே உடைத்துவிட்டார்கள்.

டீசரின் துவக்கத்தில் நயன்தாரா, பின்னர் சிரஞ்சீவி, கடைசியாக சல்மான்கான் என 'லூசிபர்' படத்தைத்தான் இப்படி மாற்றியிருக்கிறார்களா என ஆச்சரியத்தையும் அதிர்ச்சியையும் கொடுத்துள்ளது டீசர். மலையாளத்தில் பக்கா அரசியல் படமாக இருந்ததை தெலுங்கில் பக்கா மசாலா படமாக மாற்றிவிட்டார்கள் போலிருக்கிறது. இருப்பினும் 24 மணி நேரத்திற்குள்ளாக தெலுங்கு டீசர் 74 லட்சம் பார்வைகளையும், ஹிந்தி டீசர் 22 லட்சம் பார்வைகளையும் பெற்றுள்ளது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்