Dinamalar

கதை, கேரக்டர் தான் பார்ப்பேன் ; ஹீரோ அல்ல - ஷ்ரத்தா தாஸ்

பான் இந்தியா ஹீரோ என்று சிலரை சொல்வார்கள், அதுபோல பான் இந்தியா ஹீரோயின் ஷ்ரத்தா தாஸ். இந்தி, பெங்காலி, கன்னடம், தெலுங்கு மொழிகளோடு ஆங்கில படத்திலும் நடித்தவர். ஆனால் தமிழில் மட்டும் நடிக்காமல் இருந்தார். இப்போது சத்தமே இல்லாமல் அர்த்தம் என்ற சிறுபட்ஜெட் படத்தின் மூலம் தமிழுக்கு வந்திருக்கிறார். இதில் அவர் மாஸ்டர் மகேந்திரனுக்கு ஜோடியாக நடித்திருக்கிறார்.

இதுகுறித்து ஷ்ரத்தா தாஸ் கூறியதாவது: இந்திய மற்றும் வெளிநாட்டு மொழிகளில் 40க்கும் மேற்பட்ட படங்களில் நடித்து விட்டேன். குழந்தை நட்சத்திரமாகவே 100க்கும் மேற்பட்ட படங்களில் நடித்திருக்கிறேன். தமிழில் சரியான வாய்ப்புகள் அமையவில்லை. சில வாய்ப்புகள் அமைந்தும் நடிக்க முடியாமல் போனது. இப்போது இந்த படத்தின் மூலம் தமிழுக்கு வந்திருக்கிறேன். இதில் நான் மனோதத்துவ டாக்டராக நடித்திருக்கிறேன். நான் நிஜமாகவே சைக்காரிஸ்ட் என்பதால் நடிப்பதற்கு எளிதாக இருந்தது.

என்னை பொருத்தவரை படத்தின் கதை என்ன? எனது கேரக்டர் என்ன என்று தான் பார்ப்பேன். உடன் நடிப்பது யார் என்று பார்ப்பதில்லை. அப்படித்தான் இந்த படத்திலும் நடிக்க சம்மதித்தேன். நல்ல கதைகள் அமைந்தால் தொடர்ந்து தமிழில் நடிப்பேன். என்றார்.

அர்த்தம் படத்தை மினர்வா பிக்சர்ஸ் சார்பில் ராதிகா ஸ்ரீனிவாஸ் தயாரித்துள்ளார், மணிகாந்த் தல்லகுடி இயக்கி உள்ளார். நந்தா, அஜய், ஆம்னி, ரோகினி உள்பட பலர் நடித்துள்ளனர். தமிழ், மலையாள மொழிகளில் தயாராகி உள்ளது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  கன்னடத்தில் அதிக வசூல் படங்கள் : இரண்டாம் இடம் பிடித்த 'காந்தாரா சாப்டர் ...
• 
  அடுத்தடுத்து வெளியாகும் கவின் படங்களின் அப்டேட்
• 
  கன்னட பிக்பாஸ் அரங்கு 'சீல்' வைக்கப்பட்டது - அரசு நடவடிக்கை
• 
  பிளாஷ்பேக்: இயக்குநர் துரையின் கலைப்பசிக்கு தீனி போட்ட காவியத் ...
• 
  தனிப்பட்ட வாழ்க்கையில் கேமரா வைக்க முடியாது: ராஷ்மிகா மந்தனா