Dinamalar

பாரா கிளைடிங்கில் அசத்திய எஸ்தர் அனில்

ஜீத்து ஜோசப் இயக்கத்தில் வெளியான திரிஷ்யம் படத்தில் மோகன்லால் மீனாவின் இளைய மகளாக நடித்து பிரபலமானவர் எஸ்தர் அனி.ல் அந்த படத்தை தொடர்ந்து அந்த படத்தின் தமிழ், தெலுங்கு ரீமேக்குகளிலும் கூட அந்த மொழி ஹீரோக்களுக்கு மகளாக இவர் தான் நடித்தார்.. அதைத்தொடர்ந்து கடந்த வருடம் வெளியான திரிஷ்யம்-2வில் நடித்திருந்த இவர் கல்லூரி செல்லும் பருவப்பெண்ணாக வளர்ச்சி அடைந்திருந்தார். இதுதவிர தொடர்ந்து சோசியல் மீடியாக்களிலும் தனது கவர்ச்சி படங்களை பதிவிட்டு வந்த எஸ்தர் அனில், கதாநாயகியாக நடிப்பதற்கு தான் தயாராகி விட்டதை சூசகமாக உணர்த்தி வந்தார்.

இந்த நிலையில் ஹலிதா ஷமீம் இயக்கி வரும் மின்மினி என்கிற படத்தில் கதாநாயகியாக நடித்து வருகிறார் எஸ்தர் அனில். கடந்த மூன்று வாரங்களுக்கு மேலாக இந்த படத்தின் படப்பிடிப்பு லடாக்கில் நடைபெற்று வந்தது. சமீபத்தில் இந்த படத்தின் படப்பிடிப்பு முடிவடைந்ததை தொடர்ந்து ஊர் திரும்புவதற்கு முன்னதாக அங்கே பிரபலமான பாரா கிளைடிங் சாகசத்தில் ஈடுபட்டுள்ளார் எஸ்தர்.

இது குறித்த புகைப்படங்களையும் வெளியிட்டுள்ள எஸ்தர், “ஆகாயம் மேலே.. பாதாளம் கீழே என ஒரு மறக்க முடியாத ஜிலீர் அனுபவமாக இது இருந்தது” என ஆகாயத்தில் பறந்து அனுபவம் குறித்து குறிப்பிட்டுள்ளார். கடந்த சில வாரங்களுக்கு முன்புதான் சந்தோஷ் சிவன் இயக்கத்தில் எஸ்தர் அனில் நடித்த ஜாக் அண்ட் ஜில் திரைப்படம் வெளியானது குறிப்பிடத்தக்கது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு