Dinamalar

காதல் நாயகன் கமல்ஹாசனுக்கு ஜோடி இல்லையா? ரசிகர்கள்அதிர்ச்சி

தமிழ் சினிமாவின் என்றைக்குமான காதல் நாயகன் என்றால் அது கமல்ஹாசன் மட்டும்தான். அவருக்குப் பிறகு தமிழ் சினிமாவில் அறிமுகமான நடிகர்களுக்கு ரொமான்ஸ் காட்சிகளில் எப்படி நடிக்க வேண்டும் என்பதற்கு கமல்தான் முன்னோடி. அந்தக் காலத்தில் அவருடைய முத்தக் காட்சிகளும், கட்டிப்புடி காட்சிகளும் அவ்வளவு பிரபலம். அவருடன் நடிக்க பல ஹீரோயின்கள் அப்போது ஆசைப்பட்டாலும் கமல்ஹாசனின் 'ரொமான்ஸ் பிடி'யில் சிக்கிடுவோமோ என அச்சப்பட்டார்கள் என்பதும் உண்மை. 'புன்னகை மன்னன்' படத்தில் ரேகா மாதிரியான குடும்பப் பாங்கான நடிகைக்கே முத்தம் கொடுத்து அதிர்ச்சியூட்டியவர் கமல்ஹாசன்.

அவர் நடித்து நேற்று வெளிவந்து 'விக்ரம்' படத்தில் கமல்ஹாசனுக்கு ஜோடி யாரும் இல்லை என்பது ரசிகர்களுக்குக் கொஞ்சம் அதிர்ச்சியாகத்தான் இருந்தது. படத்தில் கதாபாத்திரப்படி அவர் தாத்தா வயதுடையவராகக் காட்டப்பட்டதும் ஒரு காரணமாக இருந்திருக்கலாம். கமல்ஹாசனை விட வயதில் மூத்தவரான ரஜினிகாந்த் கூட இப்போதும் 30 பிளஸ் நடிகைகளுடன் ஜோடியாக காதல் காட்சிகளில் நடிக்கும் போது தமிழ் சினிமாவில் காதலை கற்றுக் கொடுத்த கமல்ஹாசன் எண்பது வயதில் கூட ஜோடியுடன் நடிப்பதில் தவறில்லை என்றும் சில கமல் ரசிகர்கள் நேற்று தியேட்டர்களில் கிசுகிசுத்ததைப் பார்க்க முடிந்தது.

பிளாஷ்பேக்கிலாவது கமல்ஹாசனை கொஞ்சம் இளமையாகக் காட்டி, அவருக்கு ஒரு ஜோடியை சேர்த்து சில பல ரொமான்ஸ் காட்சிகளை 'விக்ரம்' படத்தில் வைத்திருந்தால் இன்றைய 40 பிளஸ் கமல்ஹாசன் ரசிகர்கள் கொஞ்சம் திருப்தியடைந்திருப்பார்கள்.

• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...

• 
  சிரஞ்சீவி ரசிகர்களிடம் மன்னிப்பு கேட்ட கீர்த்தி சுரேஷ்!
• 
  லாக் டவுன் டிரைலர் வெளியானது
• 
  நடிகைகள் அம்பிகா, ராதாவின் தாயார் காலமானார்
• 
  பிரபுவுக்கு ஜோடியாக மஞ்சு வாரியர் நடித்து ஒரு பாடல் படப்பிடிப்புடன் ...
• 
  ‛அஞ்சான்' ரீ ரிலீஸில் வெற்றி பெற்றால் அஞ்சான் 2 உருவாகும் : லிங்குசாமி