Dinamalar

விஜய்யின் 68வது படத்தை இயக்கும் அட்லி

விஜய் நடிப்பில் தெறி, மெர்சல், பிகில் போன்ற படங்களை இயக்கியவர் அட்லி. தற்போது ஹிந்தியில் ஷாருக்கான்- நயன்தாரா நடிப்பில் லயன் என்ற படத்தை இயக்கி வருகிறார். இந்த நிலையில் ரசிகர்களுடன் அட்லீ கலந்துரையாடியபோது, பிகில் படத்தில் நடித்த விஜய்யின் ராயப்பன் கேரக்டரை முழுமையாக சொல்லவில்லையே. அந்த கதையை முழுமையாக சொல்லும் எண்ணம் உள்ளதா? என்று அவரிடத்தில் ஒரு ரசிகர் கேள்வி கேட்டார். அதற்கு, செஞ்சிட்டா போச்சு என்று ஒரு பதில் கொடுத்துள்ளார் அட்லி. இதையடுத்து ஏற்கனவே விஜய்யை வைத்து மீண்டும் அட்லி ஒரு படம் இயக்கப் போகிறார் என்ற செய்திகள் வெளியாகி வந்த நிலையில் தற்போது அவர் அளித்துள்ள இந்த பதிலை தொடர்ந்து விஜய்யின் 68வது படத்தை அட்லி இயக்குவார் என்று தகவல்கள் வெளியாகியுள்ளன. அதோடு அந்த கதை பிகில் படத்தில் அப்பாவாக நடித்த ராயப்பன் கேரக்டரின் இளமை கால சம்பவங்களை அடிப்படையாக் கொண்ட கதையில் உருவாகலாம் என்றும் தகவல்கள் வெளியாகியுள்ளன. தற்போது வம்சி பைடிபள்ளி இயக்கும் தனது 66வது படத்தில் நடித்து வரும் விஜய், அதையடுத்து லோகேஷ் கனகராஜ் இயக்கும் தனது 67வது படத்தில் நடிப்பவர், அதன் பிறகு அட்லி இயக்கத்தில் நடிப்பார் என்றும் தகவல்கள் வெளியாகி உள்ளன.

• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...

• 
  ருக்மணி வசந்த்தை கவர்ந்த 10 விஷயங்கள்
• 
  தமிழில் தடுமாறும் கதாநாயகியரின் படங்கள்….
• 
  டிசம்பரில் ஓடிடிக்கு வரும் ராஷ்மிகாவின் இரண்டு படங்கள்
• 
  அடுத்தும் தமிழ் இயக்குனர் படத்தில் அல்லு அர்ஜுன்?
• 
  அஞ்சான் - ரீ ரிலீஸிலும் ஏற்பட்ட சிக்கல்