Dinamalar

தோல்விப் படங்களால் தவிக்கும் பூஜா ஹெக்டே

தமிழில் 'முகமூடி' படம் மூலம் கதாநாயகியாக அறிமுகமானவர் பூஜா ஹெக்டே. அதன் பின் தெலுங்கில் சில சூப்பர் ஹிட் படங்களில் நடித்து அங்கு முன்னணி நடிகையாக உயர்ந்தார். அவர் கதாநாயகியாக நடித்து தெலுங்கில் அடுத்தடுத்து வெளிவந்த 'ராதேஷ்யாம், ஆச்சார்யா' ஆகிய படங்கள் படுதோல்வியை சந்தித்துள்ளன. இதனால், தெலுங்கு ரசிகர்கள் அவரை ராசியில்லாத நடிகை என 'டிரோல்' செய்ய ஆரம்பித்துள்ளனர்.

தமிழில் பூஜா ஹெக்டே கதாநாயகியாக நடித்து வெளிவந்த விஜய் நடித்த 'பீஸ்ட்' படம் தமிழில் மட்டும் வெற்றி பெற்றது. ஆனால், தெலுங்கிலும் அந்தப் படம் படுதோல்வியையும் தழுவியது. அதனால், அதையும் ரசிகர்கள் பூஜாவின் தோல்விக் கணக்கில் சேர்த்துவிட்டனர். இந்தத் தோல்விகளால் பூஜா தவித்தாலும் அவரது கைவசம் அடுத்து சில முக்கிய படங்கள் உள்ளன.

ஹிந்தியில் ரன்வீர் சிங்குடன் 'சர்க்கஸ்' படத்தில் நடித்து வருகிறார். அடுத்து தெலுங்கில் த்ரிவிக்ரம் சீனிவாஸ் இயக்கத்தில் மகேஷ் பாபு நடிக்க உள்ள படத்திலும் கதாநாயகியாக நடிக்கப் போகிறார். அதனால், தன்னுடைய தற்போதைய தோல்விகளை பூஜா பெரிதாக எடுத்துக் கொள்ளவில்லை என்கிறார்கள்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு