Dinamalar

விக்ரம் பிரபு என்னை பார்த்து பயந்தார் : லால்

இயக்குனர் வெற்றிமாறனிடம் ‛விசாரணை அசுரன்' போன்ற படங்களில் துணை இயக்குநராக பணி செய்தவர் தமிழ். நிஜத்தில் போலீஸான இவர் சினிமா மீதுள்ள ஆர்வத்தால் அந்த பணியை விட்டுவிட்டு சினிமாவிற்கு வந்தார். தற்போது விக்ரம் பிரபுவை வைத்து டாணாக்காரன் என்ற படத்தை இயக்கி உள்ளார். போலீஸ் பயிற்சி கல்லூரியில் நடக்கும் அவலங்களை மையமாக வைத்து இந்த படம் எடுக்கப்பட்டுள்ளது. ஓடிடியில் வெளியாகி உள்ள இந்த படத்தில் கண்டிப்பான காவல் பயிற்சியாளராக நடித்துள்ளார் லால்.

இப்பட அனுபவம் குறித்து லால் நம்மிடம் கூறுகையில், படப்பிடிப்பு ஒன்றுக்காக தற்போது அமெரிக்காவில் உள்ளேன். டாணாக்காரன் படத்திற்கு கிடைக்கும் விமர்சனங்கள் மகிழ்ச்சி அளிக்கிறது. மலையாளத்தில் அமைதியான போலீஸாக நடித்துள்ளேன். அந்த படம் எனக்கு விருதை பெற்று தந்தது. அதன்பின் இந்த படத்தில் போலீஸ் வேடத்தில் நடித்தேன். இயக்குனர் தமிழ் புதியவர் என்றாலும் படத்திற்கு என்ன வேண்டும் என்பதில் தெளிவாக இருந்தார். இந்த குழுவோடு இணைந்து வேலை பார்த்தது நல்ல அனுபவமாக இருந்தது. விக்ரம் பிரபு படப்பிடிப்பில் என்னிடம் பயந்தே இருந்தார். மனுஷன் மிகவும் அமைதியானவர். தேவையின்றி எதும் பேச மாட்டார். நல்ல நல்ல படங்களில் நடித்து அவர் பெயர் பெற வாழ்த்துக்கள்'' என்றார்.

• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'

• 
  ஓடிடி தளத்திலும் வெளியாகும் 'பாகுபலி தி எபிக்'
• 
  பக்தி பழமாக, அம்மாவாக நடித்த ராதிகா
• 
  என் கதையை காப்பி அடித்தவர்கள் உருப்படவில்லை: எழுத்தாளர் ராஜேஷ்குமார் ...
• 
  ராம்சரணுடன் ஆர்வமாக புகைப்படம் எடுத்த அமெரிக்க அதிபரின் மகன்
• 
  ஆஸ்கர் நாமினேஷனில் 'மகா அவதார் நரசிம்மா'