Dinamalar

ஆர்ஆர்ஆர் - தெலுங்கில் 200 கோடி, உலக அளவில் 800 கோடி வசூல்

ராஜமவுலி இயக்கத்தில் ஜுனியர் என்டிஆர், ராம்சரண், ஆலியா பட் மற்றும் பலர் நடித்த 'ஆர்ஆர்ஆர்' படம் கடந்த மாதம் மார்ச் 25ம் தேதி உலகம் முழுவதும் வெளியானது. படம் வெளியான பத்து நாட்களுக்குள் பல சாதனைகளைப் படைத்துள்ளது.

தெலுங்கில் மட்டும் இப்படம் 200 கோடி வசூலையும், உலக அளவில் 800 கோடி வசூலையும் கடந்துள்ளதாகத் தகவல் வெளியாகி உள்ளது. தெலுங்கில் இதுவரையிலும் அதிக வசூலைப் பெற்ற படமாக 'பாகுபலி 2' படமாக 204 கோடியுடன் முதலிடத்தில் இருந்தது. தற்போது அந்த வசூலை 'ஆர்ஆர்ஆர்' கடந்து 210 கோடியைப் பெற்றுள்ளதாம். இவை 'ஷேர்' தொகை மட்டுமே என்பது குறிப்பிடத்தக்கது. மொத்த வசூல் 275 கோடியைத் தாண்டியுள்ளதாம்.

கர்நாடகாவில் ஏற்கெனவே 50 கோடி வசூலை இப்படம் கடந்துள்ளது. தமிழகத்தில் விரைவில் 50 கோடி வசூலைக் கடந்துவிடுமாம். தென்னிந்திய மாநிலங்களில் கேரளாவில் தான் குறைவாக 15 கோடியை வசூலித்துள்ளது. ஹிந்தியில் 165 கோடி வசூலைக் கடந்துள்ளதாம். வெளிநாடு வசூலும் 150 கோடியைக் கடந்துள்ளதாக டோலிவுட் வட்டாரங்கள் தெரிவிக்கின்றன.

'பாகுபலி 2' வசூலை மற்ற இடங்களில் இப்படம் முறியடிக்கிறதோ இல்லையோ, தெலுங்கில் முறியடித்துள்ளது குறித்து படக்குழு மகிழ்ச்சியில் இருக்கிறதாம்.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1