Dinamalar

'வலிமை' ரூ.200 கோடி வசூல் : போனிகபூர் அறிவிப்பு

வினோத் இயக்கத்தில், அஜித், கார்த்திகேயா, ஹுமா குரேஷி மற்றும் பலர் நடித்த 'வலிமை' படம் கடந்த மாதம் 24ம் தேதி வெளிவந்தது. இன்றுடன் படம் வந்து ஒரு மாதமாகிவிட்டது. நாளை இப்படத்தை ஓடிடி தளத்தில் நான்கு மொழிகளில் வெளியிடுகிறார்கள்.

அது பற்றிய அதிகாரப்பூர்வ அறிவிப்பை படத்தின் தயாரிப்பாளரான போனி கபூரும் வெளியிட்டிருந்தார். அதில், “200 பிளஸ் கோடி பாக்ஸ் ஆபீஸ் சாதனை புரிந்த தென்னிந்திய ஆக்ஷன் அனுபவமான 'வலிமை' படத்தை ஹிந்தியிலும் கொண்டு வருகிறது ஜீ 5. தமிழ், தெலுங்கு, கன்னடம், ஹிந்தி ஆகிய மொழிகளில் மார்ச் 25ம் தேதி இப்படத்தின் பிரிமீயர், 2022ம் ஆண்டின் மிகப் பெரிய பிளாக் பஸ்டர் ஆக்ஷன் படம்” என அவர் பதிவிட்டுள்ளார்.

'வலிமை' படத்தின் வசூல் பற்றி படம் வெளிவந்ததிலிருந்தே பல்வேறு விதமான தகவல்கள் வெளிவந்தன. சமூகவலைதளங்களில் தங்களை பாக்ஸ் ஆபீஸ் டிராக்கர்கள் என அழைத்துக் கொள்ளும் பலர் இவ்வளவு வசூல், அவ்வளவு வசூல் என அள்ளிவிட்டார்கள். சிலரோ படம் நஷ்டம் தரும் என்றெல்லாம் சொன்னார்கள். அவர்களுக்குப் பதிலடி கொடுக்கும் விதமாகத்தான் போனி கபூர் 200 கோடி பிளஸ் வசூல் என குறிப்பிட்டுள்ளதாக அஜித் ரசிகர்கள் தெரிவிக்கிறார்கள்.

இனி, வலிமை வசூல் பற்றி யாரும் வாயைத் திறக்க மாட்டார்கள் என்று நம்புவோமாக.

• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்

• 
  தனுஷ், அவரது மேலாளர் பற்றிய சர்ச்சை : முற்றுப்புள்ளி வைத்த மான்யா ஆனந்த்
• 
  9 படங்களில் நடிக்கும் நயன்தாரா : இந்தியாவிலே இவர்தான் டாப்
• 
  ரீ ரிலீஸ் படங்கள் முடிவுக்கு வருகிறதா?
• 
  சர்வர் வேலை சாதாரணமானது இல்லை : இயக்குனர் கே.பாக்யராஜ் சொன்ன கதை
• 
  நயன்தாரா பிறந்தநாளுக்கு ரோல்ஸ் ராய்ஸ் கார் பரிசளித்த விக்னேஷ் சிவன்