Dinamalar

ஓடிடியில் நேரடியாக வெளியாகும் ஆதியின் 'கிளாப்'

பிரித்வி ஆதித்யா இயக்கத்தில், இளையராஜா இசையமைப்பில் ஆதி, ஆகன்க்ஷா சிங், பிரகாஷ் ராஜ், நாசர் மற்றும் பலர் நடித்துள்ள படம் 'கிளாப்'. இப்படம் தமிழ், தெலுங்கு என இரு மொழிகளில் தயாரிக்கப்பட்டுள்ளது.

இப்படத்தின் டீசர் கடந்த வருடம் செப்டம்பர் மாதம் வெளியிடப்பட்டது. விளையாட்டை மையமாக வைத்து உருவாக்கப்பட்டுள்ள இந்தப் படம் தியேட்டர்களில் வெளியாகும் என்று எதிர்பார்க்கப்பட்டது. ஆனால், இப்போது படத்தை சோனி லைவ் ஓடிடி தளத்தில் நேரடியாக வெளியட உள்ளதாக அறிவிப்பு வெளியாகி உள்ளது.

ஆந்திரா, தெலங்கானாவில் மக்கள் ஓரளவிற்கு தியேட்டர்களுக்கு வருகிறார்கள். ஆனால், தமிழகத்தில் இன்னும் பழையபடி மக்கள் வரவில்லை. 'கிளாப்' படம் இரு மொழிகளில் உருவாக்கப்பட்டுள்ள படம் என்பதால் ஒரே சமயத்தில் இரண்டு மொழிகளிலும் தியேட்டர்களில் வெளியிட தயாரிப்பு நிறுவனம் தயங்கியுள்ளது. நல்ல விலை கிடைத்ததால் ஓடிடியில் வெளியிட முடிவு செய்துவிட்டார்கள் எனச் சொல்கிறார்கள்.

ஆதி தெலுங்கில் நடித்து கடைசியாக வெளிவந்த 'குட் லக் சகி' படம் தியேட்டர்களில் வெளியானது. அப்படத்தில் கீர்த்தி சுரேஷ் முதன்மைக் கதாநாயகியாக நடித்திருந்தார். ஆனால், அந்தப் படம் தோல்வியைத் தழுவியது. அடுத்து லிங்குசாமி இயக்கத்தில், ராம் பொத்தினேனி கதாநாயகனாக நடிக்க தமிழ், தெலுங்கில் உருவாகி வரும் 'தி வாரியர்' படத்தில் முக்கிய வேடத்தில் நடித்து வருகிறார் ஆதி.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு