Dinamalar

மறைந்த தம்பி புனித் ராஜ்குமாருக்காக டப்பிங் பேசிய அண்ணன்

கன்னடத் திரையுலகின் மாஸ் ஹீரோவாக இருந்த புனித் ராஜ்குமார் கடந்த வருடம் அக்டோபர் மாதம் மாரடைப்பால் திடீரென காலமானார். அவரது மறைவு இந்தியத் திரையுலகையே அதிர்ச்சியடைய வைத்தது.

அவர் கடைசியாக நடித்து முடித்திருந்த படம் 'ஜேம்ஸ்'. அப்படத்திற்கு டப்பிங் பேசுவதற்கு முன்பே அவர் மரணமடைந்துவிட்டார். அதனால், தனது தம்பிக்காக அண்ணன் நடிகர் சிவராஜ்குமார் டப்பிங் பேசியுள்ளார்..

நேற்று புனித் ராஜ்குமாரின் நினைவிடத்திற்குச் சென்று அஞ்சலி செலுத்திவிட்டு பத்திரிகையாளர்களிடம் இது குறித்து சிவராஜ்குமார் பேசுகையில், “எனது தம்பியின் படத்திற்கு டப்பிங் பேசுவது ஒரு எமோஷனலான நிகழ்வு. திரையில் அப்புவை (புனித்) பார்த்துக் கொண்டு டப்பிங் பேசுவது கஷ்டமாக உள்ளது. அவரது குரலுக்குப் பொருத்தமாகப் பேசுவதும் கடினம் தான். அதற்கு எனக்கு இரண்டரை நாட்களக் ஆனது. தற்போது டப்பிங்கை முடித்துவிட்டேன். என்னால் முடிந்தவரை முயற்சி செய்து பேசியுள்ளேன், ரசிகர்கள் அதை ரசிப்பார்கள் என நம்புகிறேன். என்னிடம் படக்குழு வைத்த இந்த வேண்டுகோளை என்னால் மறுக்க முடியவில்லை,” என்றும் நெகிழ்வுடன் தெரிவித்துள்ளார்.

சேத்தன் குமார் இயக்கியுள்ள இப்படம் புனித் ராஜ்குமார் பிறந்தநாளான மார்ச் 17ம் தேதி வெளியாகிறது. அன்று முதல் அதற்கடுத்த ஒரு வாரத்திற்கு கர்நாடகாவில் வேறு படங்களைத் திரையிடுவதில்லை என வினியோகஸ்தர்கள் முடிவு செய்துள்ளார்களாம். இப்படத்தை தமிழ், தெலுங்கு, ஹிந்தி, மலையாளம் ஆகிய மொழிகளிலும் டப்பிங் செய்து வெளியிட திட்டமிட்டுள்ளார்கள். பிரியா ஆனந்த் இப்படத்தில் கதாநாயகியாக நடித்துள்ளார்.

• 
  ஜுனியர் என்டிஆரின் 10 வருட தொடர் வெற்றியைப் பறித்த 'வார் 2'
• 
  மகன் இயக்கியுள்ள படம் குறித்து ஷாருக்கானின் நேர்மையான விமர்சனம்
• 
  ஸ்ரீ லீலாவை ஆலியா பட்டுக்கு போட்டியாக சித்தரிக்கும் பாலிவுட் ஊடகங்கள்!
• 
  பலாத்காரம் செய்யப்பட்டாலும் பெண்களைத்தான் குறை சொல்கிறார்கள்! -கங்கனா ...
• 
  கூலி படத்தில் அமீர்கானை வீணடித்து விட்டார்கள் : ரசிகர்கள் ஆதங்கம்

• 
  மார்ஷல் படத்தில் வில்லன் யார்...
• 
  கருப்பு படத்தில் நடிக்க மறுத்த சிம்பு.?
• 
  ராஷ்மிகா மந்தனா நடிக்கும் ‛தமா': தீபாவளிக்கு ரிலீசாகிறது
• 
  ஒரே மாதத்தில் கோட்டா சீனிவாசராவின் மனைவியும் மறைந்தார்!
• 
  சிக்கந்தர் தோல்வி: சல்மான்கான் மீது நேரடியாக குற்றம் சாட்டிய ...