Dinamalar

அஜித் வழியில் பவன் கல்யாண் : ரசிகர்கள் கேட்பார்களா ?

தமிழ் சினிமாவில் மட்டுமல்ல தென்னிந்திய சினிமாவில் நடிகர்களுக்கும், சில நடிகைகளுக்கும் பட்டப் பெயர்களை வழங்கி அதன்படியே ரசிகர்கள்அழைப்பது வழக்கம். முன்னணி ஹீரோக்கள் மட்டுமல்லாது புதிது புதிதாக நடிக்க வரும் சிலர் கூட வரும் போதே பட்டப் பெயர்களுடன் வந்து அதிர்ச்சியடைய வைத்தும் வருகிறார்கள்.

தமிழ் நடிகர்களில் ஒரு காலத்தில் 'அல்டிமேட் ஸ்டார்' என அழைக்கப்பட்டவர் அஜித்குமார். ஆனால், தன்னை அப்படி அழைக்க வேண்டாமென அவர் ரசிகர்களிடம் கேட்டுக் கொண்டார். அதன்பின் அவரை 'தல' என ரசிகர்கள் அழைக்க ஆரம்பித்தார்கள். இதற்கு மட்டும் அஜித் எதுவும் சொல்லவில்லை. ரசிகர்களும் 'அல்டிமேட் ஸ்டார்' என்பதையே மறந்துவிட்டார்கள்.

தெலுங்கில் முன்னணி ஹீரோக்களில் ஒருவரான பவன் கல்யாணை அவரது ரசிகர்கள் 'பவர் ஸ்டார்' என்றே அழைப்பார்கள். ஆனால், கடந்த வருடத்திலிருந்தே தன்னை யாரும் அப்படி அழைக்க வேண்டாமென கேட்டுக் கொண்டார். ஆனால், ரசிகர்கள் விடுவதாக இல்லை.

நேற்று விசாகப்பட்டிணத்தில் நடந்த ஒரு பொதுக்கூட்டத்தில் பவன் கல்யாண் கலந்து கொண்ட போது ரசிகர்கள் 'பவர் ஸ்டார், பவர் ஸ்டார்' என கத்திக் கொண்டே இருந்தனர். அதனால், கோபமடைந்த பவன் கல்யாண், சத்தம் வந்த திசையை நோக்கி, “கத்தாதீங்க, என்னை பவர் ஸ்டார்னு சொல்லாதீங்க. கொஞ்சம் அறிவை வளர்த்துக்கோங்க,” என கோபமாகப் பேசினார். அதன்பின் சத்தம் போட்டவர்கள் அமைதியானவர்கள்.

அஜித் வழியில் பவன் கல்யாணும் தன்னை பட்டப் பெயரை வைத்து அழைப்பதை நிறுத்தச் சொல்வதை அவரது ரசிகர்கள் கேட்பார்களா ?.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்