பாலியல் புகார் எதிரொலி ; ஜானி மாஸ்டரின் மனைவியும் கைதாகிறார் | வெங்கடேஷின் படப்பிடிப்பு தளத்திற்கு சர்ப்ரைஸ் விசிட் அடித்த பாலகிருஷ்ணா | நடிக்கவில்லை.. மகனாகவே வாழ்ந்தேன் ; கவியூர் பொன்னம்மா குறித்து மோகன்லால் உருக்கம் | தேவரா கூட்டணியில் துல்கர் சல்மான் ; பின்னணி இதுதான் | ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ? | துப்பாக்கி கனம் எப்படி இருக்கு?: சிவகார்த்திகேயன் சொன்ன பதில் | புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! |
விஜய் டிவியில் கமல்ஹாசன் தொகுத்து வழங்கும் 'பிக் பாஸ் சீசன் 5' நிகழ்ச்சி இரண்டு வாரங்களுக்கு முன்பு ஆரம்பமானது. முந்தைய சீசன்களை விட இந்த 5வது சீசனுக்கு பெரும் வரவேற்பு இருக்கும் என்று எதிர்பார்க்கப்பட்ட நிலையில் அது ஏமாற்றத்தைக் கொடுத்துள்ளதாக டிவி வட்டாரங்கள் தெரிவிக்கின்றன.
பொதுவாக 'பிக் பாஸ்' நிகழ்ச்சி ஆரம்பமாகும் முதல் நாளில் யார் யார் போட்டியாளர்களாகக் கலந்து கொள்ளப் போகிறார்கள் என்று தெரிந்து கொள்ள பலரும் நிகழ்ச்சியைப் பார்ப்பார்கள். ஆனால், இந்த சீசனில் அதற்கு ரசிகர்கள் அதிக ஆர்வம் காட்டவில்லை என்று தெரிகிறது.
முதல் கோணலே முற்றும் கோணல் என்பார்கள் அது போல தொடர்ந்து வார நாட்களிலும் எதிர்பார்த்த ரேட்டிங்கை நிகழ்ச்சி தரவில்லை என்பது நிகழ்ச்சித் தயாரிப்பாளர்களுக்கும், சேனல்காரர்களுக்கும் பெரும் அதிர்ச்சியைக் கொடுத்துள்ளதாம்.
இந்த முறை பல போட்டியாளர்கள் யார் என்றே தெரியாத அளவிற்குத் தேர்வு செய்ததே இதற்குக் காரணம் என்கிறார்கள். அதிலும் மாடலிங் துறையிலிருந்துதான் அதிக போட்டியாளர்களைத் தேர்ந்தெடுத்துள்ளார்கள்.
சினிமாவிலிருந்து ஓரளவிற்காவது பிரபலமான நடிகரோ, நடிகையோ கலந்து கொள்வார்கள். அது இந்த சீசனிலும் இல்லாமல் போய்விட்டது. எனவே விரைவில் 'வைல்டு கார்டு' என்ட்ரி மூலம் சில பிரபலமானவர்களை வீட்டிற்குள் அனுப்பலாமா என்றும் யோசித்து வருகிறார்களாம்.
மேலும், ஐபிஎல் போட்டி, அடுத்து டி 20 உலகக் கோப்பை ஆகியவற்றாலும் பிக் பாஸ் நிகழ்ச்சிக்கு பாதிப்பு உள்ளதாகம் சொல்கிறார்கள். ஒருவேளை இந்த வருட ரேட்டிங்கில் பெரிய மாற்றம் வரவில்லை என்றால் கமல்ஹாசனும் இந்த வருடத்துடன் நிகழ்ச்சியை விட்டு விலகவும் வாய்ப்பிருப்பதாகத் தெரிகிறது.