Dinamalar

பிக்பாஸ் போட்டியாளரை வெளியேற்றலாமா ? ; கோபமான மோகன்லால்

இந்தி, கன்னடம், தெலுங்கு, தமிழை தொடர்ந்து, மலையாளத்திலும் பிக்பாஸ் நிகழ்ச்சி கடந்த இரண்டு வருடங்களுக்கு முன் ஆரம்பிக்கப்பட்டது. தற்போது இந்த நிகழ்ச்சியின் மூன்றாவது சீசன் கடந்த பிப்-14 அன்று துவங்கியது.... இந்த சீசனையும் நடிகர் மோகன்லாலே தொகுத்து வழங்குகிறார்.

இந்த நிகழ்ச்சியில் கிடிலம் பைரோஸ் என்கிற போட்டியாளர், சக போட்டியாளரான டிம்பிள் பாய் என்பவர் பற்றி அடிக்கடி கிண்டலாக கருத்துக்களை கூறி வருகிறார். குறிப்பாக டிம்பிள் பாய், தான் சிறுவயதில் கேன்சரால் பாதிக்கப்பட்டு, அதிலிருந்து மீண்டு வந்த கதையை கூறி அனைவரையும் கண்ணீர் விட வைத்தார்..

ஆனால் கிடிலம் பைரோஸோ, அதுகுறித்து அடிக்கடி விமர்சித்து பேசிவந்தார். இதனால் டிம்பிள் பாயிடம் அவர் தொடர்ந்து இப்படி நடந்துகொள்வது குறித்து, பார்வையாளர்களுக்கு மட்டுமல்ல, நிகழ்ச்சியை நடத்தும் மோகன்லாலுக்கே ஒருகட்டத்தில் கோபம் தலைக்கு மேல் சென்றுவிட்டது.

இந்த சனிக்கிழமை நிகழ்ச்சியில் கிடிலம் பைரோஸிடம் அவர் நடந்துகொண்டது பற்றி மோகன்லால் கேள்வி எழுப்பியபோது அதற்கும் கிடிலம் பைரோஸ் அலட்சியமாக பதில் சொன்னார். இதனால் கோபமான மோகன்லால், டிம்பிள் பாயிடம், கிடிலம் பைரோஸ் இந்த நிகழ்ச்சியில் தொடரக்கூடாது என நீங்கள் விரும்பினால் அவரை வெளியேற்றலாம் என கூறினார்.

ஆனால் டிம்பிள் பாய் பெருந்தன்மையாக “கிடிலம் பைரோஸை வெளியேற்ற விரும்பவில்லை என்றும், என் மன அமைதிக்காக அவரை மன்னித்து விட்டேன், அவர் இந்த வீட்டில் இருக்க வேண்டும்” என்றும் பதில் அளித்தார். இதனால் கிடிலம் பைரோஸ் வெளியேற்றத்தில் இருந்து தப்பித்தார்.,

கடந்த வருடம் இதேபோல் பிக்பாஸ் சீசன்-2வில் 66வது எபிசோடில் வைக்கப்பட்ட டாஸ்க் ஒன்றில் போட்டியாளர்களில் ஒருவரான பேராசிரியர் ரஜித்குமார் என்பவர் சக போட்டியாளரான ரேஷ்மா ராஜன் என்பவர் முகத்தில் மிளகாய் பேஸ்ட் தடவினார்.. டாஸ்க்கிற்காக செய்ததாக ரஜித்குமார் காரணம் கூறினாலும் இனி அவர் இந்த பிக்பாஸ் வீட்டில் இருக்கக் கூடாது என உறுதியாக நின்றார் ரேஷ்மா ராஜன். இதனை தொடர்ந்து இந்த நிகழ்ச்சியில் இருந்து நிரந்தரமாக நீக்கப்பட்டார் ரஜித்குமார்

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  மலையாளத்தில் டைம் ட்ராவல் பின்னணியில் உருவாகும் 'ஆடு 3'
• 
  சுதீப்பின் 47வது படம் அறிவிப்பு : ஜூலையில் துவங்கி டிசம்பரில் ரிலீஸ்
• 
  சிவராஜ் குமாரின் 131வது படம் அறிவிப்பு
• 
  வித்யா பாலனுக்கு நன்றி சொன்ன மலையாள காமெடி நடிகர்
• 
  மேலாளரை உன்னி முகுந்தன் தாக்கவில்லை ; நீதிமன்றத்தில் அறிக்கை ...