Dinamalar

28 வருடத்திற்கு பிறகு புத்தாண்டு தினத்தில் ரீ ரிலீஸ் ஆகும் சிரஞ்சீவியின் ஹிட்லர்

பிரபல ஹீரோக்களின் பல வருடத்திற்கு முந்தைய ஹிட் படங்கள் சம்பந்தப்பட்ட ஹீரோக்களின் பிறந்தநாளிலோ, அல்லது படம் வெளியான பத்தாம், 20ம் வருட கொண்டாட்டம் என ஏதோ ஒரு காரணத்தை மையமாக வைத்து டிஜிட்டலுக்கு மாற்றப்பட்டு அல்லது சாதாரணமாகவோ ரீ ரிலீஸ் செய்யப்பட்டு வருகின்றன. இப்படி ரீ ரிலீஸ் செய்யப்படும் போது, சில படங்கள் ஆரம்பத்தில் ரிலீசான போது சம்பாதித்த வசூலை விட அதிகமாக சம்பாதித்த நிகழ்வுகளும் உண்டு. அந்த வகையில் தற்போது புத்தாண்டு கொண்டாட்டமாக நடிகர் சிரஞ்சீவி நடித்த ஹிட்லர் திரைப்படம் வரும் ஜனவரி 1ஆம் தேதி ரீ ரிலீஸ் ஆக வெளியாக இருக்கிறது.

மலையாளத்தில் மம்முட்டி நடிப்பில் வெளியாகி ஹிட்டான படம் தான் அதே பெயரில் 1997ல் தெலுங்கிலும் ஹிட்லர் என்கிற பெயரில் சிரஞ்சீவி நடிக்க ரீமேக் செய்யப்பட்டது. சிரஞ்சீவியின் ஆஸ்தான இயக்குனர்களில் ஒருவரான முத்யாலா சுப்பையா என்பவர் இந்த படத்தை இயக்கினார். ரம்பா கதாநாயகியாக நடித்திருந்தார். மேலும் சிரஞ்சீவியின் தங்கைகளாக 5 பேர் முக்கிய கதாபாத்திரங்களில் நடித்திருந்தனர்

தனது 5 தங்கைகளை பாதுகாப்பாக வளர்க்க வேண்டும் என்பதற்காக அன்பான சர்வாதிகாரியாக நடந்து கொள்ளும் ஒரு அண்ணனைப் பற்றிய படமாக இது உருவானது. அதற்கு முன்பு இரண்டு தோல்வி படங்களை கொடுத்திருந்த சிரஞ்சீவிக்கு இந்த படத்தின் வெற்றி அவரை மீண்டும் நிமிர்ந்து நிற்கச் செய்தது என்றால் மிகை இல்லை.

• 
  நான் அவள் இல்லை ; டீப் பேக் வீடியோ குறித்து வித்யா பாலன் எச்சரிக்கை
• 
  நான் செல்ல வேண்டிய நேரம் வந்துவிட்டது : அமிதாப்பச்சனின் பதிவால் பரபரப்பு!
• 
  இர்பான் கான் நினைவாக தங்கள் கிராமத்திற்கு புதிய பெயர் சூட்டிய மக்கள்
• 
  தகராறை முடித்துக் கொண்ட கங்கனா ரணவத், ஜாவேத் அக்தர்
• 
  மறைந்த பாலிவுட் நடிகர் உத்தம் மொகந்தி உடலுக்கு அரசு மரியாதை

• 
  கொலை செய்பவர்கள் ஹீரோக்களா?: கேரள முதல்வர் கடும் தாக்கு
• 
  என் மடியில் வளர்ந்த சிறுவன் இன்று பான் இந்திய ஸ்டார் ; நடிகர் பாபு ஆண்டனி ...
• 
  ஜூனியர் குஞ்சாக்கோ போபனாக நடித்தவர் அவருக்கே வில்லனாக மாறிய அதிசயம்
• 
  இன்ஸ்டாகிராம் புரமோஷனை கூட தவிர்க்கும் இளம் நடிகை ; இயக்குனர் விரக்தி
• 
  கருப்பை வெள்ளையாக்க அதிக படங்களில் நடிக்கிறேனா? : டென்ஷனான வாரிசு நடிகர்