Dinamalar

விவாகரத்துக்கு பிறகும் ஒற்றுமையாக வலம் வரும் பிரியதர்ஷன் லிசி தம்பதி

பிரபல மலையாள திரைப்பட இயக்குனர் பிரியதர்ஷன். டைரக்ஷனில் கிட்டத்தட்ட நூறு படங்களை தொட இருக்கிறார். இவரது மனைவி நடிகை லிசி. இருவரும் 1990ல் காதல் திருமணம் செய்து கொண்டனர். இவர்களுக்கு சித்தார்த் என்கிற மகனும் கல்யாணி என்கிற மகளும் இருக்கின்றனர். கல்யாணி தற்போது இளம் முன்னணி நடிகையாக வலம் வருகிறார். 2016ல் பிரியதர்ஷன், லிசி இருவருக்கும் கருத்து வேறுபாடு ஏற்பட்டு விவாகரத்து பெற்று பிரிந்து வாழ்கின்றனர்.

ஆனால் இதுவரை ஒருவரை ஒருவர் எங்கேயும் குறை கூறிக்கொண்டது இல்லை. 2023ல் இவர்களது மகன் சித்தார்த் திருமணம் நடைபெற்ற போது தம்பதியினர் ஒன்றாக அந்த நிகழ்வில் கலந்து கொண்டனர். சமீபத்தில் பிரபல மலையாள இயக்குனர் சிபி மலயில் மகன் ஜோவின் திருமணத்தில் இவர்கள் இருவரும் கலந்து கொண்டனர். இந்த நிகழ்ச்சிக்கு இவர்கள் இருவரும் ஒரே காரில் வந்து இறங்கியது பலரையும் ஆச்சரியப்படுத்தியது.

அது மட்டுமல்ல இவர்கள் இருவரையுமே ஒன்றாக மேடை ஏறி வரச் செய்து மணமக்களை வாழ்த்த செய்தார் இயக்குனர் சிபி மலயில். மேடையை விட்டு இறங்கி செல்லும்போது பிரியதர்ஷினின் கையைப் பிடித்துக் கொண்டே லிசி இறங்கி சென்ற காட்சி அங்கிருந்தவர்களை ஆச்சரியமும் சந்தோஷமும் படுத்தியது. விவாகரத்திற்கு பிறகும் கூட ஒற்றுமையாக வலம் வரும் இந்த நட்சத்திர தம்பதியினர் உண்மையிலேயே ஆச்சரியத்திற்கு உரியவர்கள்தான்.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  நானி படத்தில் இணையும் பிரித்விராஜ்!
• 
  மீண்டும் ஒரு தெலுங்கு படத்தை ஒப்பந்தம் செய்த துல்கர் சல்மான்!
• 
  திரிஷ்யம் முதல் பாகத்தின் பார்முலாவில் உருவாகும் 3ம் பாகம் : ஜீத்து ஜோசப் ...
• 
  ரூ.50 கோடி வசூல் கிளப்பில் இணைந்த சர்வம் மாயா
• 
  கூட்ட நெரிசலால் கேன்சல் செய்யப்பட்ட ரேப்பர் வேடன் இசை நிகழ்ச்சி : ரயில் ...