Dinamalar

24 வருடத்திற்கு பிறகு ரீ ரிலீஸ் ஆகும் மம்முட்டியின் 'வல்லியேட்டன்'

பல வருடங்களுக்கு முன்பு வெளியாகி ஹிட்டான பிரபல ஹீரோக்களின் படங்கள் தற்போது அதிக அளவில் ரீ ரிலீஸ் செய்யப்படும் போக்கு அதிகரித்துள்ளது. தமிழ் சினிமாவை தாண்டி தற்போது மலையாள சினிமாவிலும் இது அதிகரித்துள்ளது. குறிப்பாக நடிகர்களின் பிறந்தநாள் அல்லது படம் வெளியாகி 10ம், 20ம் வருட கொண்டாட்டம் என இல்லாமல் ஏற்கனவே ஹிட்டான படத்தை டிஜிட்டலுக்கு மாற்றி ரிலீஸ் செய்தால் ஒரு மிகப்பெரிய லாபம் கிடைக்கிறது என்கிற கண்ணோட்டத்தில் தான் இப்போது இந்த ரீ ரிலீஸ் போக்கு அதிகரித்துள்ளது.

அந்த வகையில் மலையாளத்தில் மோகன்லால் மற்றும் மம்முட்டியின் படங்கள் தான் அதிக அளவில் ரீ ரிலீஸ் செய்யப்பட்டு வருகின்றன. அப்படி கடந்த மாதம் முன்பு 10 வருடங்களுக்கு முன்பு மம்முட்டி நடிப்பில் வெளியான பாலேரி மாணிக்கம் என்கிற படம் ரீ ரிலீஸ் செய்யப்பட்டது. ஆனால் எதிர்பார்த்த வரவேற்பை பெற தவறியது. அதேபோல மம்முட்டி நடித்த 'ஆவனாழி' என்கிற போலீஸ் திரைப்படம் தற்போது டிஜிட்டலுக்கு மாற்றப்பட்டு விரைவில் ரிலீஸ் ஆக இருக்கிறது. இந்த படம் தான் தமிழில் 'கடமை கண்ணியம் கட்டுப்பாடு' என்கிற பெயரில் ரீமேக் செய்யப்பட்டது.

இந்த நிலையில் தற்போது 2000ல் மம்முட்டி நடிப்பில் வெளியான 'வல்லியேட்டன்' என்கிற திரைப்படமும் டிஜிட்டலுக்கு மாற்றப்பட்டு ரீ ரிலீஸுக்கு தயாராகி வருகிறது. ஷோபனா கதாநாயகியாக நடித்திருந்த இந்த படத்தில் கலாபவன் மணி, மனோஜ் கே ஜெயன் ஆகியோர் முக்கிய வேடத்தில் நடித்திருந்தனர். இந்த படம் வெளியான அந்த வருடத்தில் மிகப்பெரிய வசூலை குவித்த படமாக மாறியது. இந்த நிலையில் அப்போது படத்தை தயாரித்த அதே தயாரிப்பாளர்கள் தான் இப்போது இந்த படத்தை டிஜிட்டலுக்கு மாற்றி ரீ ரிலீஸ் செய்யும் வேலைகளில் தீவிரமாக ஈடுபட்டு வருகின்றனர். விரைவில் இதன் ரிலீஸ் தேதி அறிவிக்கப்பட உள்ளது.

• செய்திகள்
• வந்த படங்கள்

• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்
• 
  'பிக் பாஸ்' ஹிந்தி, சீசன் 19 ஆரம்பம்
• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...

• 
  டைட்டிலில் என் பெயரையும் சேர்த்து இருக்கலாம் ; நெட்பிளிக்ஸை கிண்டலடித்த ...
• 
  வேண்டுமென்றே போலீஸ் ஜீப்பில் ஏற்றினார்கள் ; சுரேஷ்கோபி மகன் திடுக் தகவல்
• 
  வெப் தொடரில் வில்லி ஆனார் தர்ஷனா
• 
  பிரேமலு நடிகருக்கு காய்ச்சல் : படப்பிடிப்பை ரத்து செய்த மோகன்லால்
• 
  ஹேமா கமிஷன் அறிக்கையை விட அதிர்ச்சி தருவதாக இருந்தது ; மோகன்லால் குறித்து ...