Dinamalar

விபத்திலிருந்து மீண்டு ஒரு மாதத்திற்கு பின் படப்பிடிப்பிற்கு திரும்பும் பிரேமலு நடிகர்

பிப்ரவரி மாதம் மலையாளத்தில் வெளியான பிரேமலு திரைப்படம் மிகப்பெரிய அளவில் மலையாளம் மட்டுமல்ல, தமிழக ரசிகர்களையும் ஒருசேர கவர்ந்தது. இந்த படத்தில் நடித்த கதாநாயகி மமிதா பைஜூ மட்டுமல்லாமல் அந்த படத்தில் நடித்திருந்த ஹீரோ நஸ்லேன் அவரது நண்பராக நடித்திருந்த சங்கீத் பிரதாப் ஆகியோரும் பிரபலமானார்கள்.

இந்த நிலையில் சங்கீத் பிரதாப், நடிகர் மேத்யூ தாமஸ் உள்ளிட்ட மூன்று நடிகர்கள் கடந்த ஜூலை மாதம் தாங்கள் நடித்து வந்த ப்ரொமான்ஸ் என்கிற படத்தின் படப்பிடிப்பில் கலந்துகொண்ட போது கார் விபத்தில் சிக்கி படுகாயம் அடைந்தனர். இதனைத் தொடர்ந்து தீவிர சிகிச்சையில் அனுமதிக்கப்பட்டனர். இதில் ரொம்பவே பாதிப்புக்குள்ளான சங்கீத் பிரதாப் தற்போது சிகிச்சையில் ஓரளவுக்கு நன்கு குணமாகி தற்போது மீண்டும் ப்ரொமான்ஸ் படத்தின் படப்பிடிப்பிற்கு திரும்ப இருக்கிறார்.

இதுகுறித்து அவர் வெளியிட்டுள்ள பதிவில், “நம் வாழ்வில் எதுவுமே திட்டமிட்டபடி நடப்பதில்லை. அந்த விபத்தும் அப்படித்தான். விபத்து நடந்த பின்பு அதை நான் சாதாரணமாக தான் நினைத்தேன். ஆனால் மருத்துவமனையில் ஒரு செவிலியர் எவ்வளவு ரிஸ்க்கான நிலையில் நான் இருக்கிறேன் என்று கூறியபோது அதிர்ச்சியாக தான் இருந்தது. ஆனால் மருத்துவ சிகிச்சை மற்றும் என் கூடவே இருந்து என்னை குழந்தை போல கவனித்துக் கொண்ட எனது மனைவியின் அர்ப்பணிப்பு ஆகியவை என்னை குணப்படுத்தி மீண்டும் பழைய நிலைக்கு திரும்பிக் கொண்டு வந்துள்ளது. இப்போது மீண்டும் ப்ரொமான்ஸ் படத்தின் படப்பிடிப்பிற்கு செல்ல தயாராகி விட்டேன். அந்தநாளை எதிர்பார்த்து ஆவலுடன் காத்திருக்கிறேன்” என்று கூறியுள்ளார்.

• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...
• 
  சர்ச்சைக்குரிய காட்சிகளை நீக்க தணிக்கை வாரியம் உத்தரவு: ‛பூலே' ...

• 
  உடை மாற்ற உதவிக்கு வருவேன் என அடம்பிடித்த போதை நடிகர் : மலையாள நடிகை ...
• 
  மகனுக்காக திருப்பதியில் முடி காணிக்கை செலுத்தி அன்னதானம் செய்த பவன் ...
• 
  குஞ்சாக்கோ போபன் - பாவனா எதிர்பாராத சந்திப்பு
• 
  தாடி பற்றிய விமர்சனம் ; தொடரும் டீசரில் பதில் சொன்ன மோகன்லால்
• 
  நீதிமன்றம் செல்வதை புறக்கணித்து விட்டு சினிமா பிரிவியூ பார்க்க சென்ற ...