Dinamalar

பிரியதர்ஷினின் 100வது படத்தில் ஹீரோவாக மோகன்லால்

பெரும்பாலும் ஹீரோக்கள் நூறு படங்கள் என்கிற இலக்கை தொட்டு விடுவது போல இயக்குனர்கள் அவ்வளவு எளிதில் இந்த சாதனையை செய்ய முடிவதில்லை. தமிழில் கே.பாலச்சந்தர், ராமநாராயணன், தெலுங்கில் தாசரி நாராயணராவ் போன்ற வெகு சில இயக்குனர்களே 100 படங்களை இயக்கி சாதித்துள்ளனர். அந்த வகையில் மலையாள திரையுலகில் இயக்குனர் பிரியதர்ஷன் விரைவில் தனது நூறாவது படத்தை இயக்க உள்ளார். இந்த படத்தில் அவரது ஆஸ்தான ஹீரோவான மோகன்லால் கதாநாயகனாக நடிக்க இருக்கிறார் என்று ஒரு செய்தி வெளியாகியுள்ளது.

தமிழில் எஸ்.பி முத்துராமன் - ரஜினிகாந்த் கூட்டணி போல மலையாளத்தில் பிரியதர்ஷன் - மோகன்லால் கூட்டணி. கடந்த 40 வருடங்களுக்கு மேலாக தொடர்ந்து வருகிறது. மோகன்லால் முதன்முறையாக கதாநாயகனாக அறிமுகமாகி வெளியாகாமலே போன திரநோட்டம் என்கிற படத்திற்கு பிரியதர்ஷன் தான் கதாசிரியராக பணியாற்றியிருந்தார். அதன்பிறகு இவர் முதன்முதலாக இயக்குனராக அறிமுகமான பூச்சைக்கொரு மூக்குத்தி படத்தில் மோகன்லால் தான் ஹீரோவாக நடித்திருந்தார்.

அப்போதிருந்து தொடங்கி கிட்டத்தட்ட 35 படங்களுக்கு மேல் பிரியதர்ஷன் இயக்கத்தில் மோகன்லால் நடித்துள்ளார். கடந்த சில வருடங்களுக்கு முன்பு பிரியதர்ஷன் இயக்கிய மரைக்கார் : அரபிக்கடலிண்டே சிம்ஹம் என்கிற வரலாற்றுப் படத்திலும் மோகன்லால் கதாநாயகனாக நடித்திருந்தார். இந்த நிலையில் தான் பிரியதர்ஷினின் நூறாவது படம் என்கிற சாதனையிலும் தன்னை இணைத்துக் கொள்ள இருக்கிறார் மோகன்லால்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  திருமணம் செய்து கொள்ளாமல் இரட்டை குழந்தை பெற்றெடுத்த நடிகை பாவனா ரமண்ணா!
• 
  அடூர் கோபாலகிருஷ்ணன் படத்தில் நடிக்காததால் தான் மோகன்லால் சூப்பர் ...
• 
  துல்கர் சல்மான் கார் பறிமுதல் விவகாரம் ; சுங்கத்துறைக்கு நீதிமன்றம் ...
• 
  இந்திய ராணுவ தலைமை தளபதி ஜெனரலை சந்தித்த மோகன்லால்
• 
  காந்தாரா கிராமத்தில் குடியேறுகிறார் ரிஷப் ஷெட்டி