Dinamalar

போதை வழக்கு காரணமாக தியேட்டரில் ஓடிக்கொண்டிருந்த மலையாள படம் நீக்கம்?

மலையாள திரையுலகில் புருவ அழகி என ரசிகர்களால் அழைக்கப்பட்ட பிரியா பிரகாஷ் வாரியர் கதாநாயகியாக அறிமுகமான படம் ஒரு அடார் லவ். ஒமர் லுலு இயக்கியிருந்தார். அதற்கு முன்பு அவர் இரண்டு ஹிட் படங்களை கொடுத்து இருந்தாலும் இந்த படம் அவரை பெரிய அளவில் ரசிகர்களிடம் கொண்டு சேர்த்தது.

இந்த நிலையில் தற்போது நல்ல சமயம் என்கிற படத்தை இயக்கியுள்ளார் ஒமர் லுலு. இந்த படம் கடந்த வெள்ளியன்று திரையரங்குகளில் வெளியானது. அதேசமயம் படத்தில் அரசால் தடை செய்யப்பட்ட போதை பொருள்கள் குறித்து காட்சிப்படுத்தப்பட்டு உள்ளதாகவும் குறிப்பாக அதை புரமோட் செய்துள்ளதாகவும் கூறி போதை பொருள் தடுப்பு துறை, ஒமர் லுலு மீது வழக்கு பதிந்துள்ளது.

சென்சார் அதிகாரிகள் அனுமதி தந்த பின்னரும் தன் மீது வழக்குப் பதியப்பட்டதில் உள்நோக்கம் இருக்கிறது என்றும் இதை சட்டப்படி எதிர்கொள்வேன் என்றும் கடந்த சில நாட்களுக்கு முன் கடுமையாக குற்றம் சாட்டியிருந்தார் ஒமர் லுலு.

மேலும் தனது 'நல்ல சமயம்' படத்தை இந்த வாரத்துடன் தியேட்டர்களில் இருந்து வாபஸ் பெறப்போவதாகவும் இது குறித்து தானும் நீதிமன்றத்தில் வழக்கு தொடர்ந்து உள்ளதால் இந்த வழக்கில் தனக்கு நல்ல தீர்ப்பு வந்த பின்னரே இந்த படத்தை மீண்டும் திரையிட போவதாகவும் கூறியிருந்தார் ஒமர் லுலு.. இந்த நிலையில் தற்போது தியேட்டர்களில் ஓடிக்கொண்டிருக்கும் நல்ல சமயம் படம் தியேட்டர்களில் இருந்து நீக்கப்பட்டுள்ளதாக ஒரு தகவல் வெளியாகி உள்ளது.

• 
  தமன்னா நடிக்கும் 'விவான்' படத்தின் படப்பிடிப்பு தொடங்கியது!
• 
  முகமூடி அணிந்து ரசிகர்களிடம் நேரடியாக பட விமர்சனம் கேட்ட அக்ஷய் குமார்
• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?

• 
  ஆண்கள் பார்வையில் வெளியான குடும்ப வன்முறை படம் ; கண் கலங்கிய நடிகர் பாலா
• 
  தந்தையின் இறுதிச்சடங்கு.. ஸ்ட்ரெச்சரில் வந்த தாய் ; கதறியழுத வில்லன் ...
• 
  உன்னி முகுந்தன் பிரச்னையில் தலையிட்டு தீர்த்து வைத்த பெப்கா
• 
  நடிகையின் தங்கை நகைக்கடையில் 69 லட்சம் நூதன மோசடி செய்த ஊழியர்கள்
• 
  ரவிதேஜாவின் 76வது படம் ரிலீஸ் தேதியுடன் அறிவிப்பு