Dinamalar

எங்கள் இதயம் நிறைந்தது, அனில்கபூர் நெகிழ்ச்சி

ஹிந்தித் திரையுலகின் சீனியர் ஹீரோவும், பல வெற்றிப் படங்களைக் கொடுத்தவருமான அனில் கபூரின் இளைய மகள் ரியா கபூர், சில தினங்களுக்கு முன்பு ஆகஸ்ட் 14ம் தேதி அவரது காதலர் கரண் பூலானியைத் திருமணம் செய்து கொண்டார்.

அனில்கபூருக்கு சோனம் கபூர், ரியா கபூர் என்ற இரண்டு மகள்களும், ஹர்ஷவர்தன் என்ற மகனும் இருக்கிறார்கள். சோனம் கபூர் முன்னணி நடிகையாக இருக்கிறார். அவருக்கு மூன்று வருடங்களுக்கு முன்பு திருமணம் நடந்துவிட்டது.

ரியா கபூர் தயாரிப்பாளராக இருக்கிறார். அவருக்கும் விளம்பரப்பட இயக்குனராக இருக்கும் கரண் பூலானிக்கும் 13 வருடக் காதல். இத்தனை வருடங்கள் கழித்து தற்போது தான் அவர்களது காதல் திருமணத்தில் முடிந்தது.

முன்னறிவிப்பு எதுவுமில்லாமல் நடந்த திருமணம் பற்றி அன்று காலை தான் மீடியாக்கள் அது பற்றிய செய்திகளை வெளியிட்டன. தனது மகள் திருமணம் குறித்து அனில் கபூர் நேற்று டுவிட்டரில், “இத்துடன், எனது பெரும் படைப்பு பூர்த்தி அடைந்ததாக நினைக்கிறேன். எங்களது இரண்டு சூப்பர் மகள்கள், மூன்று சூப்பர் மகன்கள், எங்களிடம் இதுவரையில்லாத பிளாக் பஸ்டர் இருக்கிறது. எங்களது இதயம் நிறைந்தது, எங்களது குடும்பம் ஆசீர்வதிக்கப்பட்டது,” என நெகிழ்ச்சியுடன் பதிவிட்டுள்ளார்.

ரியா கபூர் சில மணி நேரத்திற்கு முன்பாக தனது திருமணம் குறித்து இன்ஸ்டாவில், “நான் ஓடிப் போய் எனது லிவிங் ரூமில் திருமணம் செய்து கொள்ள விரும்பினேன், அதை சாத்தியமாக்கியதற்கு நன்றி,” எனக் குறிப்பிட்டுள்ளார்.

அப்பாக்கள் எப்போதும் அப்பாக்களாக நடந்து கொள்கிறார்கள் என்பதற்கு இருவரது பதிவும் உதாரணம்.

• 
  மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல்
• 
  ஹேமா கமிட்டி ஒரு ‛கேம் சேஞ்சர்' : சம்யுக்தா மேனன்
• 
  நடிகை பார்வதி நாயர் மீது வழக்குப்பதிவு: எதற்காக தெரியுமா?
• 
  தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை
• 
  ‛குட் பேட் அக்லி' படத்தில் இணைந்த அர்ஜுன் தாஸ்

• 
  ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'
• 
  'எமர்ஜென்சி' விவகாரம் : கங்கனாவிற்கு நீதிமன்றம் நோட்டீஸ்
• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...