Dinamalar

மன அழுத்தத்தால் படப்பிடிப்பில் மயங்கி விழுந்த சந்தானம் ஹீரோயின்

சந்தானம் நடித்த வாலிப ராஜா படத்தில் அவருக்கு ஜோடியாக நடித்தவர் நுஷ்ரத் பரூச்சா. பாலிவுட் நடிகையான இவர் தாஜ்மஹால் என்ற தெலுங்கு படத்திலும் நடித்துள்ளார். ஆகாஷ் வாணி, சோனு கீ திட்டு கி ஸ்வீட்டி, ஜெய் சந்தோஷி மா உள்பட பல பாலிவுட் படங்களில் நடித்துள்ளார். பல படங்களில் ஒரு பாடலுக்கு ஆடி உள்ளார். தற்போது ராம்சேது, சோரி, ஹர்டங் படங்களில் நடித்து வருகிறார்.

இவர் நடித்து வரும் படத்தின் படப்பிடிப்பு மும்பையில் நடந்து வருகிறது. படப்பிடில் கலந்து கொண்ட நுஷ்ரத் திடீரென மயங்கி விழுந்தார். உடனடியாக படப்பிடிப்பு நிறுத்தப்பட்டு மருத்துவமனையில் சேர்க்கப்பட்டார். நுஷ்ரத் உடல்நிலை பற்றி பல்வேறு தகவல்கள் வெளிவந்தது.

இந்த நிலையில் அவர் தனது உடல்நிலை குறித்து தனது சமூக வலைத்தள பக்கத்தில் கூறியிருப்பதாவது: எனக்கு மன அழுத்த பிரச்சினை இருக்கிறது. இதற்கான நான் சிகிச்சை எடுத்து வருகிறேன். இந்த நிலையில் 20 நாட்களுக்கு மேல் தொடர்ச்சியாக படப்பிடிப்பில் கலந்து கொண்டேன். இதனால் மன அழுத்தமும், பதற்றமும் அதிகமாகி மயங்கி விழுந்தேன்.

எனக்கு கொரோனா உள்ளிட்ட வேறு எந்த உடல் பிரச்சினையும் இல்லை. தற்போது ஓய்வில் இருக்கிறேன். டாக்டர்கள் 15 நாள் ஓய்வெடுக்க சொல்லியிருக்கிறார்கள். என் பெற்றோர் அருகில் இருந்து கவனித்து வருகிறார்கள். என்று அவர் தெரிவித்திருக்கிறார்.

• 
  கார்த்திக் சுப்பராஜ், சிவகார்த்திகேயன் புதிய கூட்டணி
• 
  தமன்னாவை ஏமாற்றிய ஒடேலா- 2!
• 
  சமூக வலைதளங்களில் இருந்து மீண்டும் பிரேக் எடுத்த லோகேஷ் கனகராஜ்
• 
  மனைவிகிட்ட சண்டை போட்டுக்கிட்டே இருந்தா வெளியில போய் ஜெயிக்க முடியாது! ...
• 
  டி.ராஜேந்தரின் பாடலை தழுவி உருவாக்கப்பட்ட சூர்யாவின் ரெட்ரோ பட பாடல்!

• 
  சுவர் ஏறி குதித்து குழந்தையை காப்பாற்றிய திஷா பதானியின் தங்கை : குவியும் ...
• 
  18வது திருமண நாளில் 'பேமிலி' புகைப்படத்தைப் பகிர்ந்த ஐஸ்வர்யா ராய்
• 
  புஷ்பா 2, ஸ்த்ரீ 2-க்குப் பிறகு சாதனை வசூலில் 'சாவா'
• 
  இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!
• 
  ஊர்மிளாவுக்கு 50 வயது மாதிரியா தெரிகிறது… !!