Dinamalar

'கங்குபாய் கத்தியவாடி' படத்திற்கு எதிர்ப்பு

சஞ்சய் லீலா பன்சாலி இயக்கத்தில் ஆலியா பட் முதன்மைக் கதாபாத்திரத்தில் நடிக்கும் படம் 'கங்குபாய் கத்தியவாடி'. இப்படத்தின் டீசர் இரண்டு வாரங்களுக்கு முன்பு வெளிவந்து நல்ல வரவேற்பைப் பெற்றது. யு டியுபில் 30 மில்லியன் பார்வைகளைத் தொட உள்ளது.

மும்பையின் சிவப்பு விளக்குப் பகுதியான காமாத்திபுராவைக் கதைக்களமாகக் கொண்டு உருவாக்கப்பட்டுள்ள படம் இது. ஹுசைன் சைதி எழுதிய 'மாபியா குயின்ஸ் ஆப் மும்பை' என்ற புத்தகத்தைத் தழுவி எடுக்கப்பட்டுள்ள இந்தப் படத்திற்கு தற்போது எதிர்ப்பு கிளம்பியுள்ளது.

மகாராஷ்டிர மாநில காங்கிரஸ் எம்எல்ஏவான அமின் பட்டேல் என்பவர் படத்தின் தலைப்பை மாற்ற வேண்டும் என்று வற்புறுத்தியுள்ளார். 'கத்தியவாடி' நகரின் பெயரைக் கெடுப்பது போல தலைப்பு உள்ளதாக அவர் தெரிவித்துள்ளார்.

“1950களில் இருந்த நகரைப் போல அது இல்லை. அங்கிருந்த பல பெண்கள் தற்போது பல விதமான வேலைகளுக்குச் சென்றுவிட்டார்கள்,” என்றும் அவர் கூறியுள்ளார்.

படத்தின் டீசருக்கு பல்வேறு விதமான விமர்சனங்கள் எழுந்த நிலையில் தற்போது படத்திற்கு எதிர்ப்பு எழுந்துள்ளது. சஞ்சய் லீலா பன்சாலி இயக்கும் படங்களுக்கு எப்போதுமே சர்ச்சை வருவது வழக்கம். இந்தப் படத்திற்கும் அது போலவே வந்துள்ளதாக பாலிவுட்டில் தெரிவிக்கிறார்கள்.

• 
  தர்ஷனுக்கு வழங்கிய ஜாமின் ரத்து : சுப்ரீம் கோர்ட் உத்தரவு
• 
  அரங்கம் அதிர, விசிலு பறக்க... வெளியானது கூலி : ரசிகர்கள் கொண்டாட்டம்
• 
  இந்தாண்டு பல பாடங்களை கற்றுத் தந்தது : ஹன்சிகா
• 
  2வது திருமண சர்ச்சைக்கு இடையில் முதல் மனைவியுடன் விழாவில் பங்கேற்ற ...
• 
  கிஸ் படத்தின் ரிலீஸ் தேதி குறித்து புதிய தகவல்

• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே