Dinamalar

யாருக்கோ... ஏதோ சொல்கிறார் தீபிகா படுகோனே…

சந்தீப் ரெட்டி வங்கா இயக்கத்தில் பிரபாஸ் நடிக்க உள்ள 'ஸ்பிரிட்' படத்திலிருந்து ஹிந்தி நடிகை தீபிகா படுகோனே சில மாதங்களுக்கு முன்பு நீக்கப்பட்டார். அதிக சம்பளம், குறைந்த மணி நேர வேலை, நிறைய உதவியாளர்கள் என அவர் 'டிமாண்ட்' அதிகமாக இருந்தது என தகவல் வெளியானது. தற்போது 'கல்கி 2898 ஏடி' படத்தின் இரண்டாம் பாகத்திலிருந்தும் தீபிகா படுகோனே நீக்கப்பட்டுள்ளார்.

தற்போது அட்லி இயக்கத்தில் அல்லு அர்ஜுன் நடிக்கும் பெயரிடப்படாத படத்தில் நடித்து வருகிறார். 'ஸ்பிரிட், கல்கி 2898 எடி 2' ஆகிய இரண்டு படங்களிலிருந்து நீக்கப்பட்டது குறித்து எந்தவிதமான விளக்கத்தையோ பதிலையோ தீபிகா அளிக்கவில்லை. அதேசமயம், ஷாரூக்கான் நடிக்க உள்ள 'கிங்' படத்தில் இணைந்தது குறித்து நேற்று ஒரு பதிவிட்டுள்ளார்.

அதில், “ஓம் ஷாந்தி ஓம்" படப்பிடிப்பின் போது கிட்டத்தட்ட 18 ஆண்டுகளுக்கு முன்பு ஒரு திரைப்படத்தை உருவாக்கும் அனுபவமும், அதை உருவாக்கும் மனிதர்களும், அதன் வெற்றியை விட மிக முக்கியம் என்று அவர் எனக்கு முதல் பாடமாக கற்பித்தார். நான் இதை முழுமையாக ஒப்புக்கொள்கிறேன். இந்த கற்றலை பின்பற்றி ஒவ்வொரு முடிவையும் எடுத்து வந்திருக்கிறேன். அதனால்தான், நாங்கள் ஒன்றாக எங்கள் ஆறாவது படத்தை உருவாக்கிக் கொண்டிருக்கிறோம், இல்லையா?,” என ஷாரூக்கானை 'டேக்' செய்து குறிப்பிட்டுள்ளார்.

அவரது இந்தப் பதிவு 'ஸ்பிரிட், கல்கி 2898 ஏடி' குழுவினருக்கான மறைமுகமான பதிலாகவும் பார்க்கப்படுகிறது.

• செய்திகள்
• வந்த படங்கள்
• வரவிருக்கும் படங்கள்

• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை
• 
  'ஜனநாயகன்' பாடல் வெளியீட்டு விழாவில் விஜய் பேசியது என்ன? மறந்தது என்ன?
• 
  தியேட்டரை மட்டும் நம்பாதீங்க: 2025 சொல்லி கொடுத்த பாடம்
• 
  மலேசியாவில் மிரட்டிய 'ஜனநாயகன்' : 'பராசக்தி' படத்துக்கு பிரஷர்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி