Dinamalar

ரசிகருக்கு ரூ 22,000 மதிப்பிலான ஷூ பரிசளித்த ஜான் ஆபிரகாம்

சினிமாவை பொறுத்தவரை ஒவ்வொரு ஹீரோவுக்கும் லட்சக்கணக்கில் ரசிகர்கள் இருந்தாலும் எல்லோரும் ஒரே விதமாக அவர்களை டீல் செய்வது இல்லை. ரசிகர்களை பொதுவெளியில் பார்க்கும் இடங்களில் கையசைத்து செல்வது, சிலருடன் இணைந்து புகைப்படம், செல்பி எடுத்துக் கொள்வது அல்லது ரசிகர் மன்றம் மூலமாக சிலருக்கு உதவி செய்வது என்கிற அளவிலேயே நின்று கொள்கிறார்கள். இந்த நிலையில் பாலிவுட் நடிகர் ஜான் ஆபிரகாம் தனது ரசிகர் ஒருவரின் பிறந்தநாளுக்கு அவரை நேரில் தனது அலுவலகத்திற்கு வரவழைத்து விலை உயர்ந்த ஷூ ஒன்றை பரிசாக வழங்கியுள்ளார்.

அது மட்டுமல்ல அவரை ஒரு நாற்காலியில் அமர வைத்து அந்த ஷூ லேசை கட்டிவிட்டு உதவியும் செய்துள்ளார். மேலும் தனது அலுவலக வாசலிலேயே அவருக்கு கேக் வெட்டி ஊட்டி விட்டு அவரது பிறந்தநாளை மறக்க முடியாத ஒரு நாளாக மாற்றி உள்ளார் ஜான் ஆபிரகாம்.

அவரது இந்த அன்பு பரிசை பெற்றுக் கொண்ட ரசிகர் அக்சய் கேதாரி என்பவர் இது குறித்து கூறும்போது, ஜான் ஆபிரகாம் தனக்கு பரிசளித்த இந்த இத்தாலியன் ரைடிங் ஷூ ரூ 22500 மதிப்புள்ளது என்றும் தனது பிறந்தநாளில் இந்த விலை உயர்ந்த பரிசை வழங்கியதற்காக அவருக்கு நன்றி தெரிவித்துக் கொள்கிறேன் என்றும் கூறியுள்ளார்.

• 
  தயாரிப்பாளர் சங்கத் தேர்தலில் கடும் போட்டி
• 
  ஏகனுக்கு ஜோடியாக இரண்டு நாயகிகள்
• 
  ஒரு வாரம் தள்ளிப்போகும் ‛வா வாத்தியார்'
• 
  தனுஷ், அவரது மேலாளர் பற்றிய சர்ச்சை : முற்றுப்புள்ளி வைத்த மான்யா ஆனந்த்
• 
  9 படங்களில் நடிக்கும் நயன்தாரா : இந்தியாவிலே இவர்தான் டாப்

• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி