Dinamalar

22 ஆண்டுகளுக்குப் பிறகு மீண்டும் இந்தியா திரும்பிய லகான் நடிகை

அமீர்கான் நடிப்பில் கடந்த 2001ல் ஹிந்தியில் வெளியான படம் லகான். கிராமத்தில் உள்ள இளைஞர்கள், கிரிக்கெட் பற்றி எதுவுமே அறிந்திராத நிலையில் கிரிக்கெட் போட்டியில் கலந்து கொண்டு வெல்வது தான் இந்த படத்தின் கதை. அசுதோஷ் கோவரிகர் இயக்கிய இந்த படத்தில் கிரேசி சிங் என்பவர் கதாநாயகியாக நடித்திருந்தார். இன்னொரு கதாநாயகியாக லண்டனைச் சேர்ந்த எலிசபெத் என்பவர் ரேச்சல் என்கிற ஆங்கிலேயப் பெண்ணாக முக்கிய கதாபாத்திரத்தில் நடித்திருந்தார்.

படத்தில் இவர் அமீர்கான் உள்ளிட் அவர்களுக்கு கிரிக்கெட் பயிற்சி அளிப்பவராகவும் அவரை ஒருதலையாக காதலிப்பவராகவும் நடித்து இருந்தார். மிகப்பெரிய வெற்றி பெற்ற இந்த படத்தை தொடர்ந்து அவர் இங்கே வேறு எதுவும் படங்களில் நடிக்கவில்லை. இந்த படம் வெளியாகிய 22 ஆண்டுகள் கழிந்த நிலையில் தற்போது எலிசபத் மீண்டும் இந்தியாவிற்கு வந்துள்ளார். இந்த முறை இவர் நடிக்க உள்ளது கோஹ்ரா என்கிற வெப் சீரிஸ் ஒன்றில் தான்.

புலனாய்வு திரில்லர் பாணியில் உருவாகியுள்ள இந்த படத்தில் வெளிநாட்டு பெண் கதாபாத்திரத்தில் நடிப்பதற்காக படக்குழுவினர் குறிப்பிட்ட வயதுள்ள பெண்ணை தேடியபோது தான் அவர்களுக்கு லகான் படத்தில் நடித்த எலிசபெத் ஞாபகத்திற்கு வந்துள்ளார். ஏற்கனவே அவர் ஹிந்தியில் நடித்திருப்பதால் மீண்டும் இங்கே நடிப்பது அவருக்கு சுலபமாக இருக்கும் என்பதால் அவரையே அழைத்து நடிக்க வைத்துள்ளனர்.

• 
  சினிமாவை வாழ விடுங்கள்: நடிகை விஜயசாந்தி
• 
  'கங்குவா' டிரைலரில் பாதி பார்வைகள் பெற்ற 'ரெட்ரோ' டிரைலர்
• 
  வரதட்சணை வாங்கி திருமணம் செய்து கொண்டேனா? ரம்யா பாண்டியன் கொடுத்த ...
• 
  சிவப்பு நிறத்தில் புதிய கார் வாங்கிய ஏ. ஆர். ரஹ்மான்!
• 
  ‛போய் வா நண்பா': ‛குபேரா' படத்தின் பர்ஸ்ட் சிங்கிள் வெளியானது!

• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...