Dinamalar

அக்ஷய் குமாரை மீட்குமா 'சூரரைப் போற்று' ரீமேக்?

ஹிந்தித் திரையுலகத்தின் வசூல் நடிகர்களில் ஒருவராக சில ஆண்டுகளுக்கு முன்பு வரை இருந்தவர் அக்ஷய்குமார். ஆனால், கடந்த சில ஆண்டுகளில் அவர் நடித்து வெளிவரும் படங்கள் தொடர் தோல்வியைத் தந்து அவரது மார்க்கெட்டையே ஆட்டம் காண வைத்துவிட்டது.

அவர் நடித்து வெளிவந்த, “பச்சன் பாண்டே, சாம்ராட் பிரித்விராஜ், ரக்ஷா பந்தன், கட்புட்லி, ராம் சேது,” ஆகிய படங்கள் தோல்வியைத் தழுவின. அந்த வரிசையில் கடந்த வாரம் வெளிவந்த 'செல்பி' படமும் தோல்வியைத் தழுவியுள்ளது. வெளியான மூன்று நாட்களில் வெறும் 10 கோடி மட்டுமே வசூலித்துள்ளது.

அக்ஷய்குமார் நடித்து அடுத்து 'ஓ மை காட் 2' படம் வெளிவர உள்ளது. இப்படத்தின் வெளியீடு பற்றி இன்னும் எந்த அறிவிப்பும் வெளியாகவில்லை. அடுத்து தமிழில் ஓடிடியில் வெளியாகி பெரும் வரவேற்பைப் பெற்ற 'சூரரைப் போற்று' ஹிந்தி ரீமேக்கிலும் நடித்து முடித்துள்ளார். 'ஓ மை காட் 2' படம் ஏமாற்றினாலும் 'சூரரைப் போற்று' படம் எப்படியும் ஏமாற்றாது என அவரது ரசிகர்களும் எதிர்பார்த்து காத்துக் கொண்டிருக்கிறார்கள்.

பாலிவுட் ரசிகர்கள் ரீமேக் படங்களைப் புறக்கணித்து வரும் இந்நிலையில் 'சூரரைப் போற்று' ஹிந்தி ரீமேக்கிற்கு எப்படிப்பட்ட வரவேற்பு இருக்கும் என்பதை பொறுத்திருந்துதான் பார்க்க வேண்டும்.

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்