நடிகையுடன் திருமணமா? தூக்கத்தை தொலைத்த ஸ்டாலின் முத்து

நீங்கள் இங்கே இருக்கிறீர்கள்: முகப்பு » சின்னத்திரை »

05 மார், 2025 - 09:31 IST

எழுத்தின் அளவு:

விஜய் டிவி நடிகரான ஸ்டாலின் முத்து, பாண்டியன் ஸ்டோர்ஸ் தொடரில் நடித்து பிரபலமானார். தொடர்ந்து தற்போது அந்த தொடரின் சீசன் 2வில் நடித்து வருகிறார். இந்நிலையில், பாக்கியலெட்சுமி சீரியலில் நடித்து வரும் மீனா செல்லமுத்துவோடு, ஸ்டாலின் முத்துவிற்கு திருமணம் ஆகிவிட்டதாக புகைப்படங்களும் செய்திகளும் வெளியானது. இதனையடுத்து பலரும் ஸ்டாலின் முத்துவிற்கும் அந்த நடிகைக்கும் வாழ்த்துகள் கூற ஆரம்பித்தனர். சூட்டிங் ஸ்பாட்டில் எதார்த்தமாக எடுக்கப்பட்ட அந்த புகைப்படமானது இப்படியான வதந்தியை கிளப்பியதால், அந்த நடிகையும் மிகவும் வருத்தப்பட்டுள்ளார்.

மற்றொருபுறம் ஸ்டாலின் முத்துவின் குடும்பத்தினரும் அந்த புகைப்படம் குறித்து கேள்விகள் எழுப்ப ஆரம்பித்துள்ளனர். இதனால் மன அழுத்தமடைந்த ஸ்டாலின் முத்து, பத்து நாட்களுக்கு மேல் நிம்மதியாக சாப்பிட கூட முடியாமல், தூங்க முடியாமல் கஷ்டப்பட்டதாக கூறியிருந்தார். இதுகுறித்து அவர் போலீஸ் புகார் அளித்ததை தொடர்ந்து போலீஸார் விசாரிக்க ஆரம்பித்தனர். அப்போது ஸ்டாலின் முத்துவின் சொந்த ஊருக்கு அருகேயுள்ள ஊரில் உள்ள ஒரு யூ-டியூபர் தான் இதுபோல தவறான செய்தியை பரப்பியதாக தெரிய வந்தது. இதனையடுத்து கடுப்பான ஸ்டாலின் இனி தன் புகைப்படங்களை தவறாக பயன்படுத்தினால் சட்டப்படி கடுமையான நடவடிக்கை எடுப்பேன் என எச்சரித்துள்ளார்.

Stalin Muthu

Pandian Stores

Meena Chellamuthu

கருத்துகள் (0) கருத்தைப் பதிவு செய்ய

திட்டினால் திட்டட்டும் - ஷகிலாவின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய