Dinamalar

'குக் வித் கோமாளி' நிகழ்ச்சியை விட்டு விலகிய மணிமேகலை

விஜய் டிவியில் நான்கு வருடங்களுக்கு முன்பு 2019ல் ஆரம்பிக்கப்பட்ட சமையல் நிகழ்ச்சி 'குக் வித் கோமாளி'. சமையலுடன் நகைச்சுவையும் கலந்து உருவாக்கப்பட்டதால் இந்த நிகழ்ச்சிக்கு ரசிகர்களிடம் நல்ல வரவேற்பு இருந்தது.

சினிமா, டிவி பிரபலங்கள் 'குக்' ஆக கலந்து கொள்ள, நகைச்சுவை தெரிந்த சிலர் கோமாளிகளாக கலந்து கொண்டனர். தற்போது 4வது சீசன் ஆரம்பமாகி ஒளிபரப்பாகி வருகிறது.

இதில் முதல் சீசனிலிருந்து கோமாளிகளில் ஒருவராக மணிமேகலை இருந்து வந்தார். இந்த நான்காவது சீசனின் இரண்டாவது வாரத்திலிருந்துதான் மணிமேகலை கோமாளியாக வந்தார். நான்கு வாரங்கள் மட்டுமே இந்த நிகழ்ச்சியில் கலந்து கொண்ட மணிமேகலை, இன்றைய நிகழ்ச்சியுடன் விலகுவதாக அறிவித்துள்ளார்.

“குக் வித் கோமாளி, இன்று என்னுடைய கடைசி எபிசோடு. குக் வித் கோமாளியில் முதல் சீசனிலிருந்தே என் மீது அனைவரும் அன்பைப் பொழிந்தனர். எனக்குக் கிடைத்த வாய்ப்பில் என்னுடைய கூடுதலான முயற்சியுடன் சிறந்ததைச் செய்ய முயற்சித்தேன். இந்த குக் வித் கோமாளியிலும் உங்கள் அனைவரும் கொஞ்சம் என்டர்டெயின் செய்துள்ளேன் என நினைக்கிறேன். நான் என்ன செய்தாலும் அதற்கு அதே அன்பைத் தருவீர்கள் என எதிர்பார்க்கிறேன்,” எனப் பதிவிட்டுள்ளார்.

நிகழ்ச்சியிலிருந்து பாதியில் மணிமேகலை விலகியதற்கான காரணம் தெரியவில்லை. இந்த சீசனின் ஆரம்பத்திலேயே கோமாளியாக இருந்த ஓட்டேரி சிவா, நீக்கப்பட்டது சர்ச்சையானது. இந்த சீசனில் கோமாளிகள் தேர்வு சரியாக இல்லை என ரசிகர்களும் கருத்து தெரிவித்து வருகிறார்கள். புகழ் கூட செய்ததையே திரும்பத் திரும்ப செய்கிறார் என்ற விமர்சனங்களும் உள்ளது. மணிமேகலை போன்ற ஜாலியான கோமாளி விலகுவது நிகழ்ச்சிக்கு எப்படிப்பட்ட பாதிப்பை ஏற்படுத்தும் என்பது இனிதான் தெரிய வரும்.

• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...

• 
  சின்னத்திரை காமெடி நடிகை ஷர்மிளா மீது பாஸ்போர்ட் மோசடி வழக்கு பதிவு
• 
  நீரும் நெருப்பும், அந்நியன், பிகில் - ஞாயிறு திரைப்படங்கள்
• 
  அந்தரங்க வீடியோ என வைரல் : ஸ்ருதி நாராயணன் காட்டமான பதில்
• 
  சபாபதி, சந்திரமுகி, கல்கி 2898 ஏடி- ஞாயிறு திரைப்படங்கள்
• 
  வள்ளியின் வேலன் தொடரில் கவர்னர் வேடத்தில் இனியா