Dinamalar

'யுத்த சத்தம்' படம் தொலைக்காட்சியில் வெளியாகிறது

பார்த்திபன் மற்றும் கவுதம் கார்த்திக் முதன்மை கதாபாத்திரங்களில் நடித்திருக்கும் படம் யுத்த சத்தம். எழில் இயக்கி உள்ள இந்தப் படத்தில் சாய்பிரியா தேவா, ரோபோ சங்கர், வையாபுரி மற்றும் மனோபாலா உள்பட பலர் நடித்துள்ளனர். டி.இமான் இசை அமைத்துள்ளார்.

படத்தின் கதை இதுதான் : காவல்துறை அதிகாரியான கதிர்வேலன் (பார்த்திபன்) சிறிய ஓய்வுக்கு பிறகு பணிக்கு மீண்டும் திரும்புவதிலிருந்து கதை தொடங்குகிறது. அடையாளம் தெரியாத நபர்களால் பலமுறை கத்தியால் குத்தப்பட்டு கொடூரமாக கொலை செய்யப்பட்ட ஒரு இளம் பெண்ணின் வழக்கு அவர் கைக்கு வருகிறது. கொலை செய்யப்பட்ட பெண் உளவியலாளராகவும், துப்பறியும் நிபுணராகவும் இருக்கும் நகுலனின் (கவுதம் கார்த்திக்) காதலி. கவுதம் கார்த்திக்தான் கொலையாளி என்று பார்த்திபன் துரத்த, கவுதம் கார்த்திக் உண்மையான குற்றவாளியாக துரத்த... இறுதியில் என்ன என்பதே படத்தின் கதை.

திகிலூட்டும் விதத்தில் நடத்தப்பட்ட ஒரு கொலை சம்பவத்தின் மர்ம முடிச்சுகளை அவிழ்த்து, கொலையாளியை கண்டறிவதற்காக முற்படும் ஒரு காவல்துறை அதிகாரி மற்றும் தனியார் துறையைச் சேர்ந்த ஒரு துப்பறியும் நிபுணரின் ஒருங்கிணைந்த முயற்சிகளையும், அவர்கள் எதிர்கொள்ளும் சிரமங்களையும் இசையின் மர்மச் சுவையோடு திரைக்கதை சித்தரிக்கிறது.

இந்த படம் டிசம்பர் 2ம் தேதி (வெள்ளிக்கிழமை) இரவு 9.30 மணிக்கு கலர்ஸ் தமிழில் ஒளிபரப்பாகிறது.

• 
  முகமூடி அணிந்து ரசிகர்களிடம் நேரடியாக பட விமர்சனம் கேட்ட அக்ஷய் குமார்
• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்

• 
  எமனுக்கு எமன், பாட்ஷா, அன்னபூரணி : ஞாயிறு திரைப்படங்கள்
• 
  விஜய்க்கு ஆதரவாக களமிறங்கிய சீரியல் நடிகை சபானா
• 
  கோமாதா என் குலமாதா, பாகுபலி 2, கட்டா குஸ்தி : ஞாயிறு திரைப்படங்கள்
• 
  காதலிக்க நேரமில்லை, தில், ராட்சசன் - ஞாயிறு திரைப்படங்கள்
• 
  வழக்கமான கதாபாத்திரங்களில் நடிக்க விரும்பவில்லை : பிக்பாஸ் அர்ச்சனா