Dinamalar

'சிங்கம்' ஐ ஆங்கிலத்தில் கடன் வாங்கிய அட்லீ

தமிழ் சினிமாவில் விஜய்யுடன் மட்டுமே மூன்று ஹிட் படங்களைக் கொடுத்தவர் அட்லீ. தற்போது ஷாரூக்கான், நயன்தாரா மற்றும் பலர் நடிக்கும் ஹிந்திப் படத்தை இயக்கி வருகிறார்.

இப்படத்தின் படப்பிடிப்புக்கான அனுமதி ஒன்றைப் பெறும் கடிதம் நேற்று சமூக வலைத்தளங்களில் சுற்றி வந்தது. அதில் படத்தின் பெயர் 'லயன்' எனக் குறிப்பிடப்பட்டிருந்தது. அதுதான் படத்தின் பெயரா அல்லது படப்பிடிப்புக்காக வைத்துள்ள பெயரா என்பது போகப் போகத்தான் தெரியும்.

தமிழில் தான் இயக்கிய படங்களின் கதையை, எப்போதோ வெளிவந்த படங்களிலிருந்து காப்பியடித்தவர் அட்லீ என்ற குற்றச்சாட்டு உண்டு. இப்போது ஹிந்திப் படத்தையும் தமிழில் வெளிவந்த 'பேரரசு' என்ற படத்திலிருந்துதான் உல்டா செய்திருக்கிறார் என்று தகவல் வெளியாகி உள்ளது.

படத்தின் பெயருக்குக் கூட அவர் அதிகம் யோசிக்கவில்லை. தமிழில் வெளிவந்த 'சிங்கம்' படத்தின் பெயரையே ஆங்கிலத்தில் மாற்றி 'லயன்' என வைத்துவிட்டார் போலும். 'சிங்கம்' என்ற பெயரில் ஹிந்தியில் ஏற்கெனவே படம் வெளிவந்துவிட்டது, அதனால்தான் ஆங்கிலப் பெயர்.

கதை காப்பியோ, தலைப்பு காப்பியோ படம் ஹிட்டாகிறதா அதைத்தான் நடிகர்களும், தயாரிப்பாளர்களும் பார்க்கிறார்கள்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு