Dinamalar

ஒரு வழியாக கார்த்திக் படப்பிடிப்பு நிறைவு

மனிதன் சினி ஆர்ட்ஸ் சார்பில் நிர்மலா தேவி ஜெயமுருகன் தயாரிக்கும் படம் தீ இவன். இதனை ரோஜா மலரே, அடடா என்ன அழகு படங்களை இயக்கியவரும், சிந்துபாத் படத்தை தயாரித்தவருமான டி.எம் ஜெயமுருகன் இயக்குகிறார். அவரே இசையமைத்து இருப்பதோடு கதை, திரைக்கதை, வசனம், பாடல்களையும் எழுதி இருக்கிறார்.


இந்த படத்தில் கார்த்திக் பல வருடங்களுக்குப் பிறகு மீண்டும் கதாநாயகனாக நடிக்கிறார். அவருடன் சுகன்யா, அர்த்திகா, சேது அபிதா, ஜான் விஜய், சிங்கம்புலி, இளவரசு, மஸ்காரா அஸ்மிதா,உமா, ஹேமந்த் மேனன், பெரைரோ, இயக்குனர் சரவண சக்தி, ராஜேஸ்வரி, ஸ்ரீதர் ஆகியோர் நடிக்கிறார்கள். இவர்களுடன் இயக்குனர் ஜெயமுருகன் மற்றும் அறிமுக நடிகர் சுமன்.ஜெ ஆகியோர் முக்கிய கேரக்டரில் நடிக்கிறார்கள் .


ஒரு வருடங்களுக்கு முன்பு தொடங்கப்பட்ட இந்த படம் கொரோனா காலம், மற்றும் கார்த்திக்கின் உடல்நல குறைவு, சட்டமன்ற தேர்தல் உள்ளிட்டவைகளால் தடைபட்டிருந்தது. தற்போது திருப்பூர் பகுதிகளில் இதன் படப்பிடிப்புகள் முழு வீச்சில் நடந்து முடிந்திருக்கிறது.


"திருப்பூர் மாவட்ட ஆட்சியரிடம் முறையாக அனுமதி பெற்று படப்பிடிப்பை வேகமாக நடத்தினோம். தற்போது படப்பிடிப்பு பணிகள் முடிந்து விட்டது. அதற்கு பிந்தைய பணிகளை வேகமாக முடித்து விரைவில் திரைக்கு கொண்டுவருவோம்" என்கிறார் இயக்குனர் ஜெயமுருகன்.

• செய்திகள்