Dinamalar

தமிழ் சினிமா முன்னணி இயக்குனர்கள் ஆரம்பிக்கும் தயாரிப்பு நிறுவனம்

ஓடிடி தளங்கள் கடந்த ஒரு வருட காலத்தில் விஸ்வரூபமெடுத்த பிறகு முன்னணி இயக்குனர்களின் பின்னால் தான் அந்த நிறுவனங்கள் சென்று கொண்டிருக்கின்றன. அவர்கள் இயக்கிய ஆந்தாலஜி படங்களை வெளியிட்டன, அவர்கள் இயக்கிய திரைப்படங்களுக்கு பெரிய விலை கொடுக்கவும் தயாராக இருக்கின்றன.

ஓடிடி தளங்கள் தங்களைப் போன்ற இயக்குனர்களை நம்பி இருக்கின்றன என்பதை உணர்ந்துள்ள தமிழ் சினிமாவின் முன்னணி இயக்குனர்கள் சிலர் ஒன்றிணைந்து ஒரு தயாரிப்பு நிறுவனத்தை ஆரம்பிக்க உள்ளதாக தகவல் வெளியாகி உள்ளது.

மணிரத்னம், ஷங்கர், ஏஆர் முருகதாஸ், வெற்றிமாறன், கவுதம் மேனன், மிஷ்கின், சசி, வசந்தபாலன், லோகேஷ் கனகராஜ், பாலாஜி சக்திவேல், லிங்குசாமி ஆகியோர் இணைந்து 'ரெயின் ஆன் பிலிம்ஸ்' என்ற தயாரிப்பு நிறுவனத்தை ஆரம்பிக்கப் போகிறார்களாம்.

அந்த நிறுவனம் மூலம் திரைப்படங்கள், வெப் சீரிஸ் உள்ளிட்டவைகளைத் தயாரிக்க உள்ளார்களாம். முதல் தயாரிப்பை லோகேஷ் கனகராஜ் இயக்கப் போகிறார் என்கிறார்கள்.

மேலே குறிப்பிட்ட இயக்குனர்களில் சிலர் ஏற்கெனவே தயாரிப்பு நிறுவனங்களை நடத்தி வருபவர்கள். சிலர் ஆரம்பித்து பெரும் நஷ்டம் அடைந்தவர்கள்.

வேறு எந்த திரையுலகிலும் இப்படி ஒரு முயற்சி நடந்ததில்லை. இந்த நிறுவனம் சிறப்பாக நடந்தால் அது மற்ற திரையுலகினருக்கும் ஒரு எடுத்துக்காட்டாக இருக்கும்.

• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'

• 
  பிளாஷ்பேக்: மின்னி மறைந்த ஸ்ரீராம்
• 
  தயாரிப்பாளர் ஆனார் 'டாடா' இயக்குனர்: கவுதம் ராம் கார்த்திக் அதில் ஹீரோ
• 
  10 ஆயிரம் கண்டெயினர் யார்டில் படமாக்கப்பட்ட 'அனலி'
• 
  'மகாசேனா'வில் அம்மாவாக நடிக்கும் சிருஷ்டி டாங்கே
• 
  சிவகார்த்திகேயனை தொடர்ந்து சிம்புவுக்கு கதை தயார் செய்த ஏ.ஆர்.முருகதாஸ்!