Dinamalar

செவிலியர்களை பெருமைப்படுத்த வரும் படம்

தருமபுரியை சேர்ந்த டாக்டர் வே.சரவணன் தயாரிக்கும் படம் செவிலியர் கடவுள். அறிமுக இயக்குநர் குணா ஜீ இயக்குகிறார். இவர் ஜனநாயகக் கொலை, திருப்பி அடி உள்ளிட்ட சில குறும்படங்களை இயக்கியவர். அனிஸ் சாலமன் இசை அமைக்கிறார். கார்த்திக் பாலா ஒளிப்பதிவு செய்கிறார்.

இதில் நாயகனாக விஷ்ணு ப்ரியன் நடிக்கிறார். நாயகியாக வண்ணத்தமிழ் சூர்யா நடிக்கிறார். இவர் பிரபல கல்லூரியில் பேராசிரியராக பணியாற்றி வருகிறார். இவர்களுடன் திருப்பாச்சி பெஞ்சமின் முக்கிய வேடத்தில் நடிக்கிறார்.

படம் பற்றி இயக்குனர் குணா ஜீ கூறியதாவது: கொரோனா சமயத்தில் தங்கள் உயிரை துச்சமாக எண்ணி மக்கள் சேவை ஆற்றிய உலக செவிலியர்களை பெருமைப்படுத்தும் விதமாக இந்தப் படம் உருவாகவுள்ளது. உலகத்திலேயே ஆகச் சிறந்த மருந்து அன்பு என்பது தான் படத்தின் மையக்கரு.

அதே சமயம் கொரோனாவை விட கொடியவர்கள் மனிதர்கள் என்பதையும், எல்லா மதங்களும் அன்பை மட்டுமே போதிக்கிறது என்பதை சொல்கிறது. இது கருத்தியல் படமாக இல்லாமல் கமர்ஷீயல் படமாக உருவாக உள்ளது. கொரோனா சமயத்தில் குடும்பத்தை பிரிந்து பல மணி நேரம் கஷ்டமான கவச உடை அணிந்து சேவை ஆற்றிய செவிலியர்களின் கடமையையும், தியாகத்தையும் அழுத்தமாக பதிவு செய்யும் படம். என்றார்.

• 
  போலீசார் மீதான மரியாதை அதிகரித்துள்ளது : திரிதா சவுத்ரி
• 
  நடிகை கியாரா அத்வானிக்கு பெண் குழந்தை பிறந்தது
• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...

• 
  ரஜினி, மோகன்லால் பாணியில் கமலும்...
• 
  ஜனாதிபதி மாளிகையில் திரையிடப்பட்ட ‛கண்ணப்பா'
• 
  நடிகர் கிங்காங் வீட்டிற்கே சென்று மணமக்களை வாழ்த்திய சிவகார்த்திகேயன்
• 
  டெங்கு காய்ச்சல் : மருத்துவமனையில் விஜய் தேவரகொண்டா அனுமதி
• 
  'மிஸ்டர்.பாரத்' படப்பிடிப்பு நிறைவு : லோகேஷ் கனகராஜ் நேரில் வாழ்த்து