வேணு அரவிந்த் கோமாவில் இல்லை: சக நடிகர் வெளியிட்ட வீடியோ!

30 ஜூலை, 2021 - 09:23 IST

0 கருத்துகள் கருத்தைப் பதிவு செய்ய

எழுத்தின் அளவு:

நடிகர் வேணு அரவிந்த் கோமாவில் இருப்பதாக செய்திகள் வெளியான நிலையில், சக சின்னத்திரை நடிகர் அவர் கோமாவில் இல்லை, அவரது உடல் நலம் முன்னேறி வருகிறது என வீடியோ வெளியிட்டுள்ளார்.

சமீபத்தில் நடந்த மூளை அறுவை சிகிச்சைக்கு பின், நடிகர் வேணு அரவிந்த் கோமாவுக்கு சென்று விட்டதாக செய்திகள் வெளியாயின. இதை உறுதி செய்யும் வகையில், நடிகர் சங்கமும் தனது அதிகாரப்பூர்வ டுவிட்டர் பக்கத்தில் இந்த செய்தியை வெளியிட்டிருந்தது.

இந்நிலையில், சின்னத்திரையில் வேணு அரவிந்துடன் இணைந்து நடித்த சக நடிகரான அருண் ராஜன், வேணு அரவிந்த் கோமாவில் இல்லை என வீடியோ வெளியிட்டுள்ளார். அந்த வீடியோவில் "வேணு அரவிந்த் கோமாவில் இல்லை. தற்போது நினைவுடன் தான் இருக்கிறார். தனக்கு செய்யப்படும் சிகிச்சை குறித்து அவர் கேட்டறிந்து வருகிறார். சிகிச்சைக்கு முழு ஒத்துழைப்பு கொடுக்கிறார்.

நான் சில நிமிடங்களுக்கு முன்பு தான் வேணு சார் மனைவி ஷோபாவிடம் பேசினேன். தற்போது அவர் நலமாக இருக்கிறார். தயவுசெய்து வேணு கோமாவில் இருப்பது போன்ற தவறான செய்திகளை யாரும் பரப்ப வேண்டாம். அவர் விரைவில் குணமாகி வீடு திரும்ப அனைவரும் பிரார்த்தனை செய்யுங்கள்". என அருண் ராஜன் அந்த வீடியோவில் கூறியுள்ளார்.

இந்த வீடியோ தற்போது வைரல் ஆகி வருகிறது.

Venuaravind

கருத்துகள் (0) கருத்தைப் பதிவு செய்ய

எம்மதமும் என் மதமே : ராமராஜன்

உடல்நலம் குறித்த வதந்திக்கு ஷகீலா ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய