Dinamalar

மாநாடு - ஆச்சரியப்படுத்திய சிம்பு

தமிழ் சினிமாவில் குழந்தை நட்சத்திரமாக அறிமுகமாகி நாயகனாக உயர்ந்தவர் சிலம்பரசன். சினிமாவைப் பற்றிய அவரது திறமைக்கு இந்நேரம் எங்கேயோ உயர்ந்திருக்க வேண்டியர் என்று திரையுலகத்திலேயே சொல்வார்கள்.

தான் நடிக்கும் படங்களின் படப்பிடிப்புக்கே, ஏன் அவரது அப்பா தயாரித்த படப்பிடிப்புக்கே காலையில் படப்பிடிப்பு என்றால் மாலையில் கூட வரமாட்டார் என்று சொல்வார்கள். அந்த அளவிற்கு சொன்ன நேரத்திற்கு படப்பிடிப்புக்கு வராதவர் என்று பெயரெடுத்தவர்.

கடந்த சில வருடங்களாக சிலம்பரசனிடம் பல மாற்றங்கள். மணிரத்னம் இயக்கத்தில் வந்த செக்கச் சிவந்த வானம் படத்தில் நடிக்கும் போது சரியான நேரத்திற்கு வந்து படப்பிடிப்பை முடித்துக் கொடுத்தார். சிம்புவா இது என அப்போதே திரையுலகத்தினர் ஆச்சரியப்பட்டார்கள். அடுத்து கடந்த வருடம் வெளிவந்த ஈஸ்வரன் படத்திலும் குறுகிய காலத்தில் அப்படத்தை நடித்துக் கொடுத்தார்.

இப்போது மாநாடு படத்தை படக்குழுவினரே ஆச்சரியப்படும் அளவிற்கு சரியான நேரத்திற்கு வந்து முடித்துக் கொடுத்துள்ளார். “85 நாட்கள் திட்டமிட்ட படப்பிடிப்பு 68 நாட்களில் முடிந்துவிட்டது. அதற்குக் காரணம் சிலம்பரசன் கொடுத்த ஆதரவு,” என படத்தின் ஒளிப்பதிவாளர் ரிச்சர்ட் நாதன் பாராட்டியுள்ளார். படத்தின் இயக்குனர் வெங்கட் பிரபு, தயாரிப்பாளர் சுரேஷ் காமாட்சி இருவரும் சிலம்பரசனைப் பற்றி ஒரு நாள் கூட குறை சொல்லவில்லை என்பதும் ஆச்சரியம், ஆனால், உண்மை.

மாநாடு படப்பிடிப்பு முடிந்துவிட்டதால் விரைவில் வெளியீட்டுத் தேதியை அறிவிப்பார்கள் எனத் தெரிகிறது.

கை கடிகாரம் பரிசளிப்பு
இதனிடையே மாநாடு படப்பிடிப்பு நிறைவடைந்ததை அடுத்து சிலம்பரசன் இப்படத்தில் பணியாற்றிய 300 பேருக்கு விலை உயர்ந்த கை கடிகாரத்தை பரிசாக வழங்கி அனைவரையும் மகிழ்வித்தார். அனைவருக்கும் வாழ்த்துக்களுடன் பரிசுகளையும் அளித்த சிலம்பரசனுக்கு படக்குழுவினர் நன்றி தெரிவித்தனர்.

• 
  ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'
• 
  'எமர்ஜென்சி' விவகாரம் : கங்கனாவிற்கு நீதிமன்றம் நோட்டீஸ்
• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...

• 
  பாலியல் புகார் எதிரொலி ; ஜானி மாஸ்டரின் மனைவியும் கைதாகிறார்
• 
  ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ?
• 
  துப்பாக்கி கனம் எப்படி இருக்கு?: சிவகார்த்திகேயன் சொன்ன பதில்
• 
  புதிய வெப் தொடரில் சமந்தா
• 
  ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம்