Dinamalar

கமலுக்கு நான்கு வில்லன்கள் ?

கமல் நடிக்கும் படங்களின் பட்டியலில் ஏற்கனவே இந்தியன் 2 மற்றும் விக்ரம், என இரண்டு படங்கள் இடம் பிடித்திருக்க, அடுத்ததாக பாபநாசம்-2வில் நடிக்கிறார் என்றும், வெற்றிமாறன் டைரக்சனில் நடிக்கிறார் என்றும் புதுப்புது தகவல்கள் வெளியாகி வருகின்றன. ஆனாலும் இந்த படங்களில் லோகேஷ் கனகராஜ் இயக்கத்தில் உருவாகி வரும் விக்ரம் படம் மட்டும், முதலில் தயாராகி திரைக்கு வரும் சாத்தியக் கூறுகள் தென்படுகின்றன. அதற்கேற்ற வகையில் லோகேஷ் கனகராஜும் அவ்வப்போது சில நடிகர்களை இந்தப்படத்தில் இணைத்து வருகிறார்.

இந்த படத்தில் மலையாள நடிகர் பஹத் பாசில் நடிக்க இருக்கிறார் என ஏற்கனவே அறிவிப்பு வெளியானது. சமீபத்தில் இந்த படத்தில் இணைந்திருக்கிறார் நடிகர் நரேன். இந்த நிலையில் இந்தப்படத்தில் மொத்தம் நான்கு வில்லன்கள் என்றும் பஹத் பாசில், நரேன் ஆகியோருடன், கூடவே விஜய்சேதுபதியும் கூட வில்லன் கதாபாத்திரங்களில் தான் நடிக்க இருக்கிறார்கள் என்று சொல்லப்படுகிறது.

ஏற்கனவே லோகேஷ் கனகராஜ் டைரக்சனில் நரேன் கைதி படத்திலும், விஜய்சேதுபதி மாஸ்டர் படத்திலும் நடித்துள்ளதால், இவர்களை வில்லன் ஆக்குவதில் அவருக்கு பெரிய சிரமம் இருந்திருக்காது என்று நம்பலாம்.

• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...
• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்

• 
  இந்த வயதில் இப்படி நடிக்கவே விருப்பம் : ஸ்ரீலீலா
• 
  கூலி படம் ரிலீஸ் : பெங்களூர் ராமகிருஷ்ணா ஆசிரமத்துக்கு சென்ற ரஜினி
• 
  ஷாரூக், சுனில் ஷெட்டி, அமிதாப், பாபி தியோல் வரிசையில் அமீர்கான்
• 
  வளைந்து செல்லாதீர்கள், தைரியமாக இருங்கள் : பெண்களுக்கு சுவாசிகா அறிவுரை
• 
  சினிமாவில் நடிக்க வைப்பதாகக் கூறி சிறுமிக்கு வன்கொடுமை; மலையாள நடிகை ...