Dinamalar

'ஆர்ஆர்ஆர்' ஹீரோக்களின் படங்களில் அனிருத் ?

தமிழ்த் திரையுலகத்தின் இளம் இசையமைப்பாளர்களில் ஒருவர் அனிருத். குறுகிய காலத்திலேயே ரஜினிகாந்த், கமல்ஹாசன், விஜய், அஜித், ஆகிய முன்னணி நடிகர்களின் படங்களுக்கு இசையமைக்கும் வாய்ப்பைப் பெற்று ஹிட்டுகளைக் கொடுத்தார்.

தமிழைப் போல தெலுங்கில் அவரது அறிமுகம் சரியாக அமையவில்லை. தெலுங்கில் அவர் அறிமுகமான 'அஞ்ஞாதவாசி' படம் தோல்வியடைந்தது. அதனால், அவரைத் தேடி பல தெலுங்கு வாய்ப்புகள் வரவில்லை. இருப்பினும் அதன்பின் அவர் இசையமைத்த 'ஜெர்சி' படம் நல்ல வெற்றியைப் பெற்றது. அவருடைய இசையும் பாராட்டப்பட்டது. அதற்கடுத்து 'கேங் லீடர்' படத்திற்கும் இசையமைத்தார்.

அடுத்து தெலுங்கில் 'ஆர்ஆர்ஆர்' பட ஹீரோக்களான ஜுனியர் என்டிஆர், ராம் சரண் ஆகியோர் தனித் தனியே நாயகனாக நடிக்க உள்ள புதிய படங்களுக்கு அனிருத் இசையமைக்க உள்ளதாக தகவல் வெளியாகி உள்ளது.

ஜுனியர் என்டிஆர் நடிக்க உள்ள படத்தை கொரட்டலா சிவாவும், ராம்சரண் நடிக்க உள்ள படத்தை ஷங்கரும் இயக்க உள்ளார்கள். அதிகம் எதிர்பார்க்கப்படும் 'ஆர்ஆர்ஆர்'. படத்திற்குப் பிறகு அவர்கள் நடிக்க உள்ள படங்கள் என்பதால் இப்படங்களுக்கான எதிர்பார்ப்பு இப்போதே அதிகமாக உள்ளது.

தற்போது தமிழில் 'டாக்டர், காத்துவாக்குல ரெண்டு காதல், டான், விஜய் 65, விக்ரம், இந்தியன் 2' ஆகிய படங்களுக்கு இசையமைத்து வருகிறார் அனிருத்.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  திருமணமா...? வதந்திகளை பரப்பாதீர்கள் : அனிருத்
• 
  சூர்யாவின் 'டிராப் இயக்குனர்கள்' பட்டியலில் இணைகிறாரா வெற்றிமாறன்?
• 
  ஓடிடியில் அதிக தொகைக்கு விற்பனையான அனுஷ்காவின் காட்டி
• 
  இயக்குனர் அட்லிக்கு கவுரவ டாக்டர் பட்டம்
• 
  பறந்து போ படத்தில் யுவன் இல்லாதது ஏன்? ராம் விளக்கம்