தயாரிப்பாளரை காப்பாற்ற உதவி கேட்கும் சுனைனா

02 ஜூன், 2021 - 12:23 IST

0 கருத்துகள் கருத்தைப் பதிவு செய்ய

எழுத்தின் அளவு:

காதலில் விழுந்தேன் மாசிலாமணி, யாதுமாகி, வம்சம், திருத்தணி, நீர்பறவை, தெறி, தொண்டன், சில்லு கருப்பட்டி உள்பட ஏராளமான படங்களில் நடித்தவர் சுனைனா. இவரது நண்பரும், தயாரிப்பாளருமான அபினேஷ் என்பவர் கொரோனா தொற்றால் பாதிக்கப்பட்டு உயிருக்கு போராடி வருகிறார்.

அவரது குடும்பத்தினர் மருத்துவ செலவுக்கூட பணம் இன்றி தவிப்பதாக கூறப்படுகிறது. இதனால் அவருக்கு நிதி உதவி செய்து காப்பாற்றுங்கள் என்று சுனைனா கேட்டுக் கொண்டுள்ளார். இது தொடர்பாக அவர் தனது டுவிட்டரில் வெளியிட்டுள்ள வீடியோவில் கூறியிருப்பதாவது:

சமூகவலைதளங்களில் இதுபோன்ற வீடியோக்களை நான் வெளியிட மாட்டேன். ஆனால் அவசர தேவை என்பதால் இதை வெளியிடுகிறேன். எனது நண்பர் அபினேஷ் கொரோனாவால் பாதிக்கப்பட்டு மருத்துவமனையில் அனுமதிக்கப்பட்டுள்ளார். ஒரு மாதத்திற்கு மேலாக அவர் மருத்துவமனையில் அனுமதிக்கப்பட்டிருக்கும் நிலையில் அவருக்கு தற்போது நிதி உதவி தேவைப்படுகிறது. பணம் இன்றி அவரது குடும்பத்தினர் தவிக்கிறார்கள்.

அவருடைய மேல்சிகிச்சைக்காக தேவைப்படும் நிதியை தயவு செய்து அனைவரும் கொடுத்து உதவுங்கள். நான் சமீபத்தில் கொரோனாவால் பாதிக்கப்பட்டு மீண்டு வந்துள்ளதால் அதன் வலி எனக்கு தெரியும். சிறிய தொகையாக இருந்தாலும் பெரிய தொகையாக இருந்தாலும் உதவி செய்து அவருக்கு தேவையான நிதியை கொடுத்து அவரை காப்பாற்றுமாறு கேட்டுக் கொள்கிறேன்.

என்று கூறியிருக்கிறார். அதோடு பணம் அனுப்ப வேண்டிய வங்கி கணக்கு விபரத்தையும் தனது டுவிட்டரில் தெரிவித்திருக்கிறார். அவரது கோரிக்கை ஏற்று ரசிகர்கள் பலர் தங்களால் இயன்ற தொகையை அனுப்பி வருகிறார்கள்.

Actresssunaina

கருத்துகள் (0) கருத்தைப் பதிவு செய்ய

என் பெயரில் ஆள்மாறாட்டம் ...

ஜகமே தந்திரம் ஓடிடியில் வெளியாவது ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய