Dinamalar

ஹாலிவுட் படத்தில் ஹூமா குரேஷி

பிரபல பாலிவுட் நடிகை ஹூமா குரேஷி. இந்தி படங்களில் நடித்து வந்த இவர், காலா படத்தில் ரஜினிக்கு ஜோடியாக நடித்ததன் மூலம் தமிழ் ரசிகர்களுக்கு அறிமுகமானார். தற்போது அஜித்துடன் வலிமை படத்தில் நடித்து வருகிறார். அக்ஷய் குமாருடன் பெல்பாட்டம் என்ற படத்தில் நடித்து முடித்திருக்கிறார்.

இந்த நிலையில் ஹாலிவுட் படம் ஒன்றில் நடித்து முடித்திருக்கிறார். அந்த படம் அமெரிக்காவில் உள்ள தியேட்டர்களில் வெளியாகி நல்ல வசூலை கொடுத்துக் கொண்டிருக்கிறது. ஆர்மி ஆப் டெத் என்ற அந்த படத்தை ஜாக் ஷிண்டர் இயக்கி உள்ளார். அவரே ஒளிப்பதிவும் செய்துள்ளார். ஹீமாவுடன் எல்லா புர்மல், டாவே புடிசா, ஓமன் ஹார்ட்விக் உள்பட பலர் நடித்திருக்கிறார்கள்.

இது ஜோம்பி வகை படமாகும். காமெடி படமான இது 70 மில்லியன் டாலர் பட்ஜெட்டில் உருவாகி தற்போது வரை 780 மில்லியன் டாலர் வரை வருமானம் ஈட்டி உள்ளது. இதில் ஹூமா குரேஷி நடித்திருப்பதால் இந்தியா உள்ளிட்ட பல நாடுகளில் ஓடிடி தளத்தில் வெளியிட இருக்கிறார்கள். இந்தியாவில் இந்தி, தெலுங்கு, தமிழில் வெளியிட திட்டமிட்டிருக்கிறார்கள்.

பிரியங்கா சோப்ரா, தீபிகா படுகோனா, டிம்பிள் கபாடியா, அமைரா தஸ்தூர் வரிசையில் இப்போது ஹூமாவும் ஹாலிவுட்டிற்குள் நுழைந்திருக்கிறார்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  பிளாஷ்பேக் : ஹீரோவாக நடித்த டெல்லி கணேஷ்
• 
  பிளாஷ்பேக் : தமிழகத்தில் பிறந்து இசையால் இந்தியாவை ஆண்ட வாணி ஜெயராம்
• 
  'அமரன்' ஓடிடி ரிலீஸ் தேதி அறிவிப்பு
• 
  கதையின் நாயகனாக சமுத்திரக்கனிக்கு அடுத்தடுத்து ரிலீஸ்
• 
  ரஜினியின் பிறந்தநாளில் 'டபுள்' அப்டேட்?