Dinamalar

விக்ரமின் கோப்ரா - அஜய் ஞானமுத்து புதிய அப்டேட்

டிமான்டி காலனி, இமைக்கா நொடிகள் படத்தை அடுத்து அஜய்ஞானமுத்து இயக்கியுள்ள படம் கோப்ரா. விக்ரம் நாயகனாக நடித்துள்ள இப்படத்தில் ஸ்ரீநிதி ஷெட்டி, மியா ஜார்ஜ், கே.எஸ்.ரவிக்குமார், ரோபோ சங்கர் உள்பட பலர் நடித்துள்ளனர். ஏ.ஆர். ரகுமான் இசையமைத்துள்ளார்.

கடந்தாண்டு ரஷ்யாவில் படப்பிடிப்பு நடந்து வந்தபோது தான் கொரோனா வைரஸ் பரவி வந்ததால் பாதியில் படப்பிடிப்பை நிறுத்தி விட்டு இந்தியா திரும்பினர். அதையடுத்து கிரீன்மேட் வைத்து கிராபிக்ஸ் மூலமாக மீதமுள்ள காட்சிகளை சென்னையிலேயே படமாக்கினார் இயக்குனர் அஜய் ஞானமுத்து.

இந்நிலையில் கோப்ரா படத்தின் விக்ரமின் ரோல் குறித்து அஜய் ஞானமுத்து கூறுகையில், கடுமையான விஷத்தன்மை கொண்ட கோப்ரா இன பாம்பு எதிர்பாராத வகையில் தாக்குதல் நடத்துவதைப் போன்று இந்த படத்தில் எதிர்பாராமல் செயல்படும் பல கெட்டப்புகளில் விக்ரம் நடித்துள்ளார். கோப்ரா படத்தில் விக்ரம் நடித்துள்ள முக்கிய காட்சிகள் ரஷ்யாவின் தலைநகரான பீட்டர் ஸ்பர்க்கில் 13 நாட்கள் நடைபெற்றது. ரஷ்ய அதிபர் புதினின் மாளிகையில் பல காட்சிகள் படமாக்கப்பட்டுள்ளது. தற்போது படப்பிடிப்பு சம்பந்தப்பட்ட பணிகள் முடிவடைந்து விட்டதால் விரைவில் இறுதிக்கட்ட பணிகள் தொடங்க உள்ளது. ஜூலை மாதத்தில் கோப்ரா படத்தை வெளியிட திட்டமிடப்பட்டுள்ளோம் என்கிறார் அஜய் ஞானமுத்து.

• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்

• 
  லோகேஷ் கனகராஜ் ஜோடியாகும் ‛ஜெயிலர்' பட நடிகை
• 
  15வது திருமண நாளை கொண்டாடிய சிவகார்த்திகேயன் - ஆர்த்தி
• 
  ஹன்சிகாவின் விநாயகர் சதுர்த்தி கொண்டாட்டம்
• 
  டூரிஸ்ட் பேமிலி இயக்குனருக்கு ஜோடியான அனஸ்வரா ராஜன்
• 
  கோலி சோடா தொடர்ச்சி... புதிய பாகத்தின் தலைப்பு அறிவிப்பு