Dinamalar

'ஏலே' சிக்கல், ஓடிடியில் 'ஜகமே தந்திரம்' ரிலீஸ் உறுதி ?

ஹலிதா ஷமீம் இயக்கத்தில் சமுத்திரக்கனி நடித்த 'ஏலே' திரைப்படம் இன்று(பிப்.,2) வெளியாவதாக இருந்தது. ஆனால், தியேட்டர்களில் வெளியான 30 நாட்களுக்குப் பிறகுதான் ஒடிடி தளத்தில் வெளியிட வேண்டும் என்ற உறுதிமொழி கடிதத்தைத் தராத காரணத்தால் படத்திற்கு தியேட்டர்களைத் தர தியேட்டர்காரர்கள் மறுத்துவிட்டனர்.

இதனால், கோபமடைந்த தயாரிப்பாளர் படத்தை விஜய் டிவியில் பிப்ரவரி 28ம் தேதி விஜய் டிவியில் நேரடியாக வெளியிடுகிறோம் என அதிகாரப்பூர்வமாக அறிவித்துவிட்டார். இதற்கு முன்பு மற்றொ டிவியில் 'நாங்க ரொம்ப பிஸி, புலிக்குத்தி பாண்டி' ஆகிய படங்கள் இப்படி நேரடியாக டிவியில் வெளியாகின.

'ஏலே' படத்தின் தயாரிப்பாளர்தான் தனுஷ் நடித்த 'ஜகமே தந்திரம்' படத்தையும் தயாரித்துள்ளார். இந்தப் படத்தை ஓடிடியில் வெளியிட உள்ளதாக ஏற்கெனவே செய்திகள் வெளிவந்தன. அப்போது தியேட்டர்காரர்கள் படத்தை தியேட்டர்களில் வெளியிட வேண்டும் என கோரிக்கை வைத்தனர். படத்தின் நாயகன் தனுஷ், இயக்குனர் கார்த்திக் சுப்பராஜ் ஆகியோரும் தியேட்டர் வெளியீட்டையே விரும்பினர்.

இந்நிலையில் படத்தை ஓடிடி தளத்தில் பெரும் விலைக்கு தயாரிப்பாளர் விற்றுவிட்டதாகத் தகவல் வெளியாகி உள்ளது. 'ஏலே' படத்திற்காக தியேட்டர்காரர்கள் நெருக்கடி கொடுத்த காரணத்தால்தான் 'ஜகமே தந்திரம்' படத்தை ஓடிடியில் வெளியிட தயாரிப்பாளர் முடிவு செய்தார் என்றும் சொல்கிறார்கள்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு