தயாரிப்பாளர் ஆனார் டி.இமான்

02 ஜன, 2021 - 01:35 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ் சினிமாவின் முன்னணி இசை அமைப்பாளர்களில் ஒருவர் டி.இமான். சின்னத்திரையில் இசை பயணத்தை தொடங்கி இன்று பெரிய திரையில் தனது பங்களிப்பை கொடுத்து வருகிறவர். மெலடி பாடல்களுக்கென்று தனி முத்திரை பதித்து வருகிறவர். தற்போது இமான் தயாரிப்பாளராக தனது புதிய பயணத்தை துவங்கவுள்ளார். டிஐ புரொடக்ஷன் எனும் பெயரில் தயாரிப்பு நிறுவனத்தை துவக்கியுள்ளார்.

இந்த நிறுவனத்தின் முதல் தயாரிப்பாக தேங்க் யூ ஜீஸஸ் எனும் ஆன்மிக ஆல்பத்தை தயாரித்துள்ளார். இது இயேசுவை பற்றிய ஆன்மிக ஆல்பம். 8 பாடல்கள் கொண்டிருக்கும் இந்த ஆல்பம் முழுக்க இயேசு கிறிஸ்துவை போற்றும்படி அமைக்கப்பட்டுள்ளது.

இது குறித்து இசையமைப்பாளர் இமான் கூறியதாவது: இசையமைப்பாளராக எனது வெற்றிப்பயணம் ரசிகர்களின் அளவற்ற அன்பாலும், ஆதரவாலும் நிகழ்ந்தது. அவர்கள் தான் என் வெற்றியின் பெரும் தூண்கள். அவர்கள் கொண்டிருக்கும் அன்பு, தொடரும் எனும் நம்பிக்கையில் தான் தயாரிப்பு நிறுவனத்தை துவங்கியுள்ளேன். இந்நிறுவனம் சார்பில் முதல் தயாரிப்பாக ஆன்மீக ஆல்பம் உருவாகிறது. விரைவில் திரை இசை அல்லாத, சுயாதீன ஆல்பங்களை தயாரிக்கவுள்ளோம். அதனை பற்றிய அதிகாரப்பூர்வ அறிவிப்புகள் விரைவில் வெளியாகும். என்றார்.

இந்த நிறுவனத்தின் சார்பில் தரமான சிறுபட்ஜெட் படங்களை தயாரிக்கும் முயற்சியல் இறங்க இருப்பதாக அவருக்கு நெருக்கமான வட்டாரங்கள் தெரிவிக்கிறது.

DImman

கருத்துகள் (0) கருத்தைப் பதிவு செய்ய

தியேட்டரில் 100 சதவித பார்வையாளர்கள் : ...

ஓடிடியில் வெளியாகும் த்ரிஷ்யம்-2

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய