Dinamalar

'ரட்சகன்' பார்த்து நாகார்ஜுனா ரசிகரான லோகேஷ் கனகராஜ்

தமிழ் சினிமாவில் சில தெலுங்கு நடிகர்களும் ஒரு காலத்தில் ஒரு தாக்கத்தை ஏற்படுத்தி இருக்கிறார்கள். 80களின் இறுதியில் அப்படி ஒரு தாக்கத்தை ஏற்படுத்தியவர் நாகார்ஜுனா. 1989ல் அவர் தெலுங்கில் நடித்து தமிழில் டப்பிங் ஆகி வெளியான 'இதயத்தை திருடாதே, சிவா' ஆகிய இரண்டு படங்களும் இங்கு பிளாக்பஸ்டர் வெற்றியைப் பெற்றன.

அதன்பின் 1997ல் தான் நேரடியாக தமிழில் 'ரட்சகன்' படத்தில் நடித்தார் நாகார்ஜுனா. அதற்கடுத்து 2011ல் தமிழ், தெலுங்கில் தயாரான 'பயணம்', பின்னர் 2016ல் தமிழ், தெலுங்கில் தயாரான 'தோழா' ஆகியவற்றில் நடித்தார். அதே போல கடந்த மாதம் வெளியான தமிழ், தெலுங்கில் தயாரான 'குபேரா' படத்திலும் நடித்திருந்தார். அடுத்து 'கூலி' படத்தில் முக்கிய வில்லனாக நடித்துள்ளார். இத்தனை ஆண்டு கால சினிமா வரலாற்றில் நாகார்ஜுனா வில்லனாக நடிப்பது இதுதான் முதல் முறை.

இக்கதாபாத்திரத்தில் அவரை நடிக்க வைப்பதற்காக ஆறு முறை சந்தித்து கதையைச் சொல்லி சம்மதிக்க வைத்துள்ளார் லோகேஷ். கல்லூரியில் படித்த நாட்களில் 'ரட்சகன்' படத்தைப் பார்த்து நாகார்ஜுனாவின் தீவிர ரசிகராக இருந்திருக்கிறார் லோகேஷ். அப்போது நாகார்ஜுனாவின் ஹேர்ஸ்டைலைத்தான் அவரும் அவரது நண்பர்களும் வைத்திருந்தார்களாம். அந்த அளவுக்கு ரசிகராக இருந்து, அவரை தன் படத்திலேயே நடிக்கவும் வைத்திருக்கிறார்.

தனது டப்பிங் படங்களின் மூலம் தமிழ் ரசிகர்களின் மனதில் இடம் பிடித்தவர் நாகார்ஜுனா. ஆனால், அவர் நேரடியாக தமிழில் முதன் முதலில் நடித்த 'ரட்சகன்' படம் தோல்வியைத்தான் தழுவியது அதிர்ச்சியைத்தான் கொடுத்தது. இருந்தாலும் ஏஆர் ரஹ்மான் இசையில் அந்தப் படத்தின் பாடல்கள் ஹிட்டாக அமைந்தது.

• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு

• 
  ஒரு நாளைக்கு நான்கு மணி நேரம் மட்டுமே தூங்கும் அஜித்குமார்!
• 
  ராம்சரண் ஒரு உண்மையான ஜென்டில்மேன் என்கிறார் ஜான்வி கபூர்!
• 
  இட்லிகடை படத்தின் முதல் நாள் வசூல்? 100 கோடியை அள்ளுமா?
• 
  விஜயை கைது செய்யணுமா? நடிகர் பார்த்திபன் பதில் இதுதான்
• 
  டிச.,5ல் ரிலீசாகும் பாலகிருஷ்ணாவின் 'அகண்டா 2: தாண்டவம்'