Dinamalar

'மோனிகா' பூஜாவை விட ரசிகர்களைக் கவர்ந்த சவுபின் ஷாகிர்

லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், ஸ்ருதிஹாசன், நாகார்ஜுனா, உபேந்திரா, சத்யராஜ், சவுபின் ஷாகிர் மற்றும் பலர் நடிக்கும் படம் 'கூலி'.

இப்படத்தில் பூஜா ஹெக்டே ஒரு பாடலுக்கு நடனமாடியுள்ளார் என்ற தகவல் வெளியானதிலிருந்தே ரசிகர்கள் ஒரு ஆர்வத்துடன் இருந்தார்கள். 'ஜெயிலர்' படத்தில் தமன்னா நடனமாடியதை விடவும் பூஜாவின் நடனம் அசத்தலாக இருக்கும், அந்தப் பாடலை இந்தப் பாடல் 'பீட்' செய்யும் என்றெல்லாம் எதிர்பார்த்தார்கள்.

நேற்று வெளியான அந்தப் பாடலான 'மோனிகா' உடனடியாக ஹிட் ஆகிவிட்டது என்றுதான் சொல்ல வேண்டும். யு டியூபில் அதற்குள் 4 மில்லியன் பார்வைகளைக் கடந்துள்ளது. நடன இயக்குனர் சாண்டி அமைத்துள்ள நடனத்தில் நூற்றுக்கணக்கான நடனக் கலைஞர்கள் நடனமாடியுள்ளனர். துறைமுகத்தில் படமாக்கப்பட்டுள்ள இப்பாடல் பிரம்மாண்டமாகவே உள்ளது.

சிவப்பு நிற ஆடையில் பூஜா ஹெக்டே கவர்ந்திழுத்தாலும், மறு பக்கம் தனது அசத்தலான நடனத்தால் சவுபின் ஷாகிர் ரசிகர்களைக் கவர்ந்துள்ளார். 'மஞ்சுமேல் பாய்ஸ்' படத்தில் நடித்த சவுபின் இவ்வளவு சிறப்பாக நடனமாடுவாரா என ரசிகர்கள் ஆச்சரியப்பட்டுள்ளனர்.

இப்பாடலுக்காக பூஜாவுக்கு சில கோடிகள் சம்பளமாகக் கொடுத்திருக்கலாம். இருந்தாலும் பின்னால் கூடவே ஆடிய சவுபின் கோடிக்கணக்கான ரசிகர்களைப் பேச வைத்துவிட்டார்.

• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்

• 
  10 மில்லியன் வியூஸ் - தமன்னா சாதனையை முறியடிப்பாரா பூஜா ஹெக்டே
• 
  விக்னேஷ் சிவனை பிரிவதாக வதந்தி : போட்டோவால் பதில் சொன்ன நயன்தாரா
• 
  தமிழில் மீண்டும் நடிக்கும் அன்னா பென்
• 
  சூர்யா சேதுபதியின் வாழ்க்கையில் விளையாடாதீர்கள் : அனல் அரசு வேண்டுகோள்
• 
  பிளாஷ்பேக் : நயன்தாராவை கவர்ச்சி களத்தில் தள்ளிய 'கள்வனின் காதலி'