Dinamalar

பிளாஷ்பேக்: காட்சிகளை விற்ற மாடர்ன் தியேட்டர்ஸ்

சேலம் மாடர்ன் தியேட்டர்ஸ் நிறுவனத்தின் அதிபர் டி.ஆர்.சுந்தரம் வெளிநாட்டில் படித்தவர். வெளிநாட்டு படங்களை பார்த்து அதுபோன்ற படங்களை தயாரிக்கவும், இயக்கவும், நடிக்கவும் செய்தார். அவரின் படங்களில் அன்றைய ஹாலிவுட் படங்களின் தாக்கம் இருக்கும். நேரடியாக சில ஹாலிவுட் படங்களை தழுவி படங்கள் எடுத்திருந்தார். அப்போதெல்லாம் காப்பி ரைட் பிரச்னைகள் பெரிதாக இருந்ததில்லை. அதனால் இது சாத்தியப்பட்டது.

அதே நேரத்தில் பல ஹாலிவுட் படங்களின் உரிமத்தையும் அவர் வாங்கி வைத்திருந்தார். இது தவிர ஹாலிவுட் படங்களில் இடம்பெற்ற குண்டு வெடிக்கும் காட்சிகள், கார் சேசிங் காட்சிகள், சிங்கம், புலி போன்ற கொடூர விலங்குகளின் நடமாட்டம், விமானம் பறக்கும் காட்சிகளை உரிமத்துடன் சேகரித்து வைத்திருந்தார். குறிப்பாக போர் காட்சிகள். இயற்கை சீற்ற காட்சிகள்.

தமிழ் படங்களில் இந்த காட்சிகள் தேவைப்பட்டால் அதை படமாக்குவதற்கு பெரிய செலவு பிடிக்கும், இதனால் இயக்குனர்கள் மாடர்ன் தியேட்டர்ஸில் தேவையான காட்சிகளை வாங்கி தங்கள் படத்தில் பயன்படுத்திக் கொள்வார்கள். இதற்கு அவர்கள் பணம் கொடுத்தார்களா? இல்லையா என்பது பற்றி தகவல் இல்லை. ஆனால் மாடர்ன் தியேட்டர்சில் நூற்றுக்கணக்கான ஹாலிவுட் படங்களின் காட்சிகள் பிலிமில் பாதுகாத்து வைக்கப்பட்டிருந்தது. அது பல படங்களில் பயன்படுத்தப்பட்டது.

உதாரணத்திற்கு ஒன்று...

ஆர்.எஸ்.மணி இயக்கத்தில் வீணை எஸ்.பாலசந்தர் நடித்த படம் 'தேவகி'. அவருடன் என்.என்.கண்ணப்பா, நம்பியார், பி.பாலசுப்பிரமணியம், வி.என்.ஜானகி, மாதுரி தேவி உள்பட பலர் நடித்திருந்தார்கள். மு.கருணாநிதி வசனம் எழுதியிருந்தார். 'தேவகி' என்ற டைட்டில் ரோலில் வி.என்.ஜானகி நடித்தார். மாதுரி தேவி இரண்டாவது நாயகியாக நடித்தார். லலிதா, பத்மனி, ராகினி, பேபி கமலா ஆகியோரின் நடனங்களும் படத்தின் இடம்பெற்றிருந்தன. பாடகர் டி.எம்.சவுந்தர்ராஜன் கவுரவ வேடத்தில் பாடி நடித்திருந்தார்.

இந்த படத்தில் இடம்பெற்ற பனிப்பாறை சரிந்து விழும் காட்சிகள், ஹாலிவுட்டின் பிரபல இயக்குனர் ப்ராங்க் காப்ரா இயக்கிய 'லாஸ்ட் ஹாரிசன்' படத்தில் இடம் பெற்றதாகும். அதனை டி.ஆர்.சுந்தரத்திடமிருந்து வாங்கி இயக்குனர் ஆர்.எஸ்.மணி பயன்படுத்தியிருந்தார்.

• 
  ராமோஜிராவ் பிலிம் சிட்டி குடும்பம் குழந்தைகளுடன் தங்குவதற்கு ...
• 
  ஆமிர்கான் படத்திற்கு மகேஷ்பாபு பாராட்டு
• 
  முன்னாள் கணவருக்கு இறுதி அஞ்சலி செலுத்திய கரிஷ்மா கபூர்
• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்
• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...

• 
  தமிழ்த் தலைப்புகளும், ஆங்கிலத் தலைப்புகளும் மோதும் ஜுன் 27 ரிலீஸ்
• 
  மாலத்தீவில் குடும்பத்துடன் பிறந்தநாள் கொண்டாடிய காஜல் அகர்வால்
• 
  மீண்டும் வெளியாகும் 'சேது'
• 
  அன்னை இல்ல வழக்கு தள்ளுபடி: சிவாஜி குடும்பம் நிம்மதி
• 
  வடிவேலு வழக்கில், சிங்கமுத்துவுக்கு 2500 ரூபாய் அபராதம்