Dinamalar

செல்வத்தைத் தருவாரா 'குபேரா' ? திரையுலகம் எதிர்பார்ப்பு…

'செல்வம்' என்றால் பணம் என்ற ஒரு அர்த்தம் இருக்கிறது என்பது இந்தக் கால இளைஞர்களுக்குத் தெரிந்திருக்க வாய்ப்பில்லை. 'குபேரன்' இந்து மதத்தில் செல்வத்தின் கடவுகளாக இருப்பவர். பலரது வீட்டில் குபேரன் சிலைகள் இருக்கும். சரி, செய்திக்கு வருவோம்.

தமிழ் சினிமாவின் கடந்து போன இந்த ஐந்து மாதங்களில் செல்வத்தைக் கொட்டிக் கொடுக்காமலேயே போய்விட்டன சில பெரிய படங்கள். அதிகம் எதிர்பார்த்து, ஏமாந்து நிற்கிறார்கள் திரையுலகினர். அப்படிப்பட்ட படங்களை வாங்கிய வினியோகஸ்தர்கள், தியேட்டர்காரர்கள் இந்த வருடத்தில் இனி வர உள்ள படங்களாவது தங்களை கரை சேர்க்குமா என்று யோசிக்க ஆரம்பித்துவிட்டார்கள்.

இந்த ஜுன் மாதத்தில் இரண்டு படங்கள் பெரிதும் எதிர்பார்க்கப்பட்ட படங்கள். ஒன்று 'தக் லைப்', அதன் ரிசல்ட் என்னவென்பது ரசிகர்களுக்குத் தெரிந்துவிட்டது. அடுத்த படம் 'குபேரா'. சேகர் கம்முலா இயக்கத்தில், தனுஷ், நாகார்ஜுனா, ராஷ்மிகா மந்தனா மற்றும் பலர் நடிக்க தமிழ், தெலுங்கில் தயாராகி உள்ள படம். ஜுன் 20ம் தேதி பான் இந்தியா படமாக வெளியாகிறது.

படத்தின் டிரைலர் படம் மீதான நம்பிக்கையைக் கொடுத்துள்ளது. தனுஷ் நடித்து, இயக்கி கடந்த வருடம் வெளிவந்த 'ராயன்' படம் 100 கோடிக்கும் அதிகமாக வசூலித்து வெற்றி பெற்றது. அதற்கடுத்து வெளிவரும் படம் 'குபேரா'. மாதத்திற்கு ஒரு படமாவது வெற்றி பெற்றால்தான் திரையுலகிற்கும் நல்லது. உண்மையைச் சொல்லப் போனால் அதுவே போதாதுதான். இருந்தாலும் இந்த மாத வெளியீட்டில் 'குபேரா' மட்டுமே இப்போதைக்கான நம்பிக்கை, எதிர்பார்ப்பு.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி