Dinamalar

சிறிய படங்களுடனே முடிவுக்கு வரும் கோடை விடுமுறை

2025ம் ஆண்டின் கோடை விடுமுறை இந்த வாரத்துடன் முடிவுக்கு வருகிறது. இந்த மாதத்தின் கடைசி வெள்ளிக்கிழமையான மே 30ம் தேதி “ஆண்டவன், ஜின் த பெட், ராஜபுத்திரன், த வெர்டிக்ட்” ஆகிய படங்கள் வெளியாகும் என்று அறிவிக்கப்ப ட்டுள்ளது. இவை அனைத்துமே முன்னணி நடிகர்கள் நடிக்காத சிறிய படங்கள்தான்.

அடுத்த வாரம் ஜுன் 5ம் தேதி பெரிய படமான 'தக் லைப்' படம் வெளிவருகிறது. பொதுவாக அம்மாதிரியான படங்கள் வரும் போது அதற்கு ஒரு வாரம் முன்னதாகவும், பின்பும் படங்களை வெளியிடத் தயங்குவார்கள். ஆனால், இப்போதெல்லாம் கிடைக்கும் இடைவெளியில், தியேட்டர்களில் படங்களை வெளியிட வேண்டிய கட்டாயத்திற்கு சிறிய படங்களின் தயாரிப்பாளர்கள் தள்ளப்படுகிறார்கள்.

ஒரு சில முக்கிய தியேட்டர்கள் கிடைத்தால் கூட போதும் படங்களை வெளியிட்டுவிடுவோம் என்று வெளியிடுகிறார்கள். 'தக் லைப்' படம் அடுத்த வாரம் வரும் நிலையிலும், அன்றைய தினத்தில் 'பரமசிவன் பாத்திமா, பேரன்பும் பெருங்கோபமும்' படங்களும் வெளியாகும் என்று அறிவிக்கப்பட்டுள்ளன.

இந்த வாரத்தின் சனி மற்றும் விடுமுறை நாட்களில் பள்ளிகளுக்குச் செல்லும் குழந்தைகளுக்கான பொருட்களை வாங்குவதில் குடும்பத்தினர் மும்முரமாக இருப்பார்கள். அவர்கள் தியேட்டர்கள் பக்கம் வருவார்களா என்பதும் கேள்விதான்.

இந்த கோடை விடுமுறை மாதமான மே மாதத்தில் வந்த படங்களில் 'டூரிஸ்ட் பேமிலி, மாமன்' ஆகிய இரண்டு சிறிய படங்கள்தான் வெற்றி பெற்றது என்பது குறிப்பிடப்பட வேண்டிய ஒன்று.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்