ஷங்கர் வழியில் எக்ஸ் தளத்தை ஆப் செய்த ஏஆர் முருகதாஸ் - AR Murugadoss turns off X-platform in Shankar way

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ஷங்கர் வழியில் எக்ஸ் தளத்தை 'ஆப்' செய்த ஏஆர் முருகதாஸ்

10 ஏப், 2025 - 06:00 IST

எழுத்தின் அளவு:

தமிழ் சினிமாவில் முக்கியமான கமர்ஷியல் இயக்குனர்கள் ஷங்கர், ஏஆர் முருகதாஸ். தமிழ் தவிர மற்ற மொழிகளில் ஹிந்தி, தெலுங்கு ஆகிய மொழிகளில் தலா ஒரு படத்தை இயக்கியிருக்கிறார் ஷங்கர். இரண்டுமே தோல்விப் படங்களாக அமைந்துவிட்டன.

அதேசமயம், ஏஆர் முருகதாஸ் ஹிந்தியில் இயக்கிய 'கஜினி' படம்தான் ஹிந்தித் திரையுலகத்தில் முதல் 100 கோடி படம். அதன்பின் அவர் இயக்கிய 'ஹாலிடே' சுமாரான வெற்றிப் படமாகவும், 'அகிரா' தோல்விப் படமாகவும் அமைந்தது. தெலுங்கில் அவர் இயக்கிய 'ஸ்டாலின்' வெற்றிப் படமாகவும், 'ஸ்பைடர்' தோல்விப் படமாகவும் அமைந்தது.

சமீபத்தில் ஹிந்தியில் ஏஆர் முருகதாஸ் இயக்கத்தில் சல்மான்கான் நடித்து வெளிவந்த 'சிக்கந்தர்' படம் எதிர்பார்த்த வரவேற்பைப் பெறவில்லை. அந்தப் படம் வெளியாவதற்கு முன்பு வரை அப்படம் பற்றி எக்ஸ் தளத்தில் ஏதாவது பதிவிட்டு வந்தார் ஏஆர் முருகதாஸ். ஆனால், படம் வெளியான பின் அத்தளத்தில் பதிவிடுவதை நிறுத்திவிட்டார்.

இது போலத்தான் ஷங்கர் இயக்கத்தில் இந்த வருட சங்கராந்திக்கு வெளிவந்த 'கேம் சேஞ்ஜர்' படம் தோல்வியடைந்த பின் தனது எக்ஸ் தளத்தில் பதிவிடுவதை படம் பற்றி பதிவிடுவதை நிறுத்தினார். அதையே தற்போது ஏஆர் முருகதாஸும் பாலோ செய்துள்ளார்.

தங்கள் தோல்விக்கான காரணங்களை அலசி ஆராய்ந்து மீண்டும் வெற்றிப் படங்களைக் கொடுக்க இருவரும் முயற்சிப்பார்கள் என்று நம்புவோம்.

ARMurugadoss

Directorshankar

கருத்துகள் (0) கருத்தைப் பதிவு செய்ய

அஜித்தின் குட் பேட் அக்லி படம் ...

தனுஷ் - மாரி செல்வராஜ் கூட்டணி : மாறிய ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய